Aktualitet

KLGJ vendos për gjyqtaren e tretë për Shullazin


               Publikuar në : 15:57 - 20/05/19 |
Al Do

Ashtu siç ishte paralajmëruar ditën e djeshme, KLGJ vendosi këtë të hënë gjyqtaren e apelit, Valdete Hoxha që ti bashkohet trupës gjykuese sëbashku me Saida Dollanin dhe Albana Boksin në lidhje me çështjen Shullazi.

Procesi ndaj grupit të Shullazit kishte ngecur si pasojë e mos pasjes së një trupe me tre gjyqtarë për të gjykuar çështjen, pasi deri më tani nga procesi janë tërhequr tre gjyqtarë të Krimeve të Rënda.

Ata janë Fehmi Petku që u shkarkua nga Komisioni i Pavarur i Kualifikimit, Nure Dreni që u dorëhoq për shkak se kishte shqyrtuar një çështje tjetër në lidhje me Shullazin dhe së fundmi Sokol Binaj, i cili ende nuk ka dhënë shpjegime mbi arsyen.

Kujtojmë se në gjykatën e Shkallës së Parë grupi Shullazi është dënuar me 55 vite burg. /Opinion.al

 

Pas