Ari ka dëshmuar orej 5.000 vitesh vlerën e tij në treg. Në ditët e sotëm shumë investitorë të fuqishëm janë gjithmonë në kërkim të blerjes së metalit të çmuar.
Por kush janë vendet të cilat kanë depozitat më të mëdha të arit?
Vendin e parë me rezervat më të mëdha të arit e zë SHBA me 8.407 ton, më pas Gjermania, Italia, Franca dhe në vendin e 5 Rusia.
Po ju sjellim 5 vendet me rezervat më të mëdha të arit.
1-SHBA
Uashingtoni thuhet se mban rezervat më të mëdha të arit në botë prej 8,407 ton. Kjo përbën më shumë se 75 për qind të rezervave valutore kombëtare.
2-Gjermania
Banka Gjermane zotëron aktualisht 3,483 ton ar, e cila përbën më shumë se 70 për qind të rezervave valutore të Gjermanisë. Rregullatori ka tentuar të riatdhesojë rreth 674 tonë ari të mbajtur nga Banka e Francës dhe Banka Federale e Rezervave Amerikane. Riatdhesimi i arit të kombit pritet të përfundojë deri në vitin 2020.
3-Italia
Me 2.534 ton ari në arkën e saj, Italia zbriti në vendin e tretë. Shuma përbën rreth 70 për qind të rezervave valutore të vendit. Sipas politikës së ndjekur nga Banka e Italisë, ari është investimi më i sigurt në kohën e trazirave ekonomike dhe mbrojtje ndaj luhatshmërisë së dollarit amerikan.
4-Franca
Parisi thuhet se zotëron 2,518 ton metal të çmuar, i cili përbën rreth 60 për qind të të gjitha rezervave valutore të Francës. Politikania francez Marine Le Pen, ka kërkuar vazhdimisht rritjen e shitjes së arit të kombit, si dhe riatdhesimin e të gjitha shufrave të Francës që mbahen nga shtete të huaja.
5-Rusia
Banka Qendrore e Rusisë në gjashtë vitet e fundit ka bërë blerje të mëdha të arit. Në 2017, Rusia hoqi Kinën nga lista e 5 vendeve me rezervat më të mëdha të arit. Viten e kaluar Rusia u bë blerësi kryesor i arit në botë me blerje neto 651.5 ton metrikë. Në muajin shkurt Banka Qendrore Ruse rriti grumbullimin e metaleve të çmuara në 2.149 ton./ Opinion.al E.Xh.
