Bota

Kazakistan/Presidenti:Ushtrisë i është dhënë urdhër të qëllojë pa paralajmërim


Bëhu pjesë e Grupit Zyrtar të Opinion.al
>> KËTU <<
               Publikuar në : 11:42 - 07/01/22 |
Opi Nion

Trazirat në Kazakistan vazhdojnë, dhe udhëheqësi autoritar i vendit ka deklaruar se ai u ka thënë forcave të sigurisë që “të qëllojnë pa paralajmërim”.

BBC shkruan se presidenti Kassym-Jomart Tokayev tha se rreth “20,000 banditë” kishin sulmuar qytetin kryesor të Almaty, epiqendrën e protestave, të shkaktuara nga një rritje e çmimit të karburantit.

Ministria e Brendshme ka thënë se 26 “kriminelë të armatosur” dhe 18 oficerë sigurie janë vrarë deri më tani nga trazirat.

Në një fjalim televiziv, Tokayev tha se forcat paqeruajtëse të dërguara nga Rusia dhe shtetet fqinje kishin mbërritur me kërkesën e tij dhe ishin në vend në një bazë të përkohshme për të garantuar sigurinë.

Forca nga Organizata e Traktatit të Sigurisë Kolektive (CSTO) e udhëhequr nga Rusia thuhet se ka rreth 2,500 ushtarë. Tokayev ka falenderuar presidentin rus Vladimir Putin për dërgimin e trupave.

Presidenti Tokaev i hodhi poshtë thirrjet për të zhvilluar bisedime me protestuesit, duke i konsideruar ata si “të pakuptimta”, duke thënë se: “Çfarë lloj bisedash mund të zhvillojmë me kriminelët dhe vrasësit?“/Opinion.al

Pas