Aktualitet

Gratë mbështetëse të Berishës në seli, dyert sërish të mbyllura


Bëhu pjesë e Grupit Zyrtar të Opinion.al
>> KËTU <<
               Publikuar në : 12:18 - 07/01/22 |
Opi Nion

Mbështetësit e ish-kryeministrit, Sali Berisha kanë shkuar sërish në selinë blu. Këtë herë kanë qenë gratë të cilat kanë trokitur në derë por dera nuk iu është hapur.

Përfaqësueset nga Forumi i Gruas në PD nuk kanë marrë asnjë përgjigje. “Ne jemi forumi i gruas, kryetaret e degëve të Tiranës, që sot kishim takim pune me të gjitha kryetaret. Por dyert e partisë tonë na qenka mbyllur. Kemi 31 vjet që hyjmë e dalim në këtë derë. Nuk ka ndodhur as në vitin e mbrapsht ‘97 kur PD u rrënua. Na vjen keq që deputeti Basha na paska vënë drynin. Ne nesër jemi këtu të gjitha bashkë me gjithë anëtarët e PD që me referendum e shkarkuam deputetin Basha si kryetar”, thanë gratë e forumit të PD.

Ndërkohë po sot rreth orës 11:00 disa përfaqësues të Komisionit të Rithemelimit shkuan në PD, por nuk arritën të hyjnë brenda.

Kujtojmë se nesër do zhvillohet protesta e thirrur nga ish-kryeministri Berisha në oborrin e selisë blu. Ish-kryeministri dhe mbështetësit e tij kërkojnë që Basha të largohet nga selia pasi në Referendumin e 18 Dhjetorit anëtarësia e ka shkarkuar si kryetar./Opinion.al

Pas