Aktualitet

Katër gra dhe një burrë,  kush janë hyrjet e reja në kabinetin Rama


Bëhu pjesë e Grupit Zyrtar të Opinion.al
>> KËTU <<
               Publikuar në : 12:40 - 02/09/21 |
Opi Nion

Janë vetëm 5 emra të rinj në Kabinetin Rama 3. Katër prej tyre janë gra, të gjitha të reja në angazhimin politik por jo profesional, ndërsa i vetmi burrë që i shtohet kabinetit është Ulsi Manja, ish-kryetari i Komisionit të Ligjeve.

Ndërkohë katër gratë që Rama iu besoi disa nga ministritë në këtë legjislaturë janë: Edona Bilali, Bora Muzhaqi, Delina Ibrahimaj, Frida Krifca.

Edona Bilali, e emëruar ministre Shteti për Mbrojtjen e Sipërmarrjen u prezantua nga Rama në fushatën elektorale të Partisë Socialiste në qarkun e Shkodrës dhe po ashtu kryesoi listën e PS në këtë qark në zgjedhjet e 25 prillit.

Bora Muzhaqi e emëruar ministre Shteti për Rininë dhe Fëmijët ka qenë kandidate për deputete e Partisë Socialiste në qarkun e Tiranës për zgjedhjet e 25 prillit, si dhe zëdhënëse e Partisë Socialiste në këto zgjedhje. Bora Muzhaqi ka mbajtur edhe pozicionin e zv/ministres së Arsimit në kabinetin Rama 2.

Delina Ibrahimaj, e emëruar ministre e Financave dhe Ekonomisë ka mbajtur më herët pozicionin e drejtoreshës së Tatimeve, ndërsa ka drejtuar edhe INSTAT.

Frida Krifca, e emëruar ministre e Bujqësisë ka spikatur në drejtimin e AZHBR. Krifca ka përvojë 22-vjeçare në administrim  dhe menaxhim./Doriana Çepunaj

Pas