Aktualitet

“Kapot blejnë vila e ngasin Maserati”.Salianji për The Sun:Shqipëria, një narkoshtet



Bëhu pjesë e Grupit Zyrtar të Opinion.al
>> KËTU <<
               Publikuar në : 12:46 - 14/08/22 |
Opi Nion

Katër në dhjetë emigrantë që kalojnë ilegalisht kanalin e La Mansh-it për të shkuar në Angli janë nga Shqipëria. Këto janë statistikat e publikuara së fundmi nga mediat britanike, ç’ka bëri që disa prej tyre të dërgonin gazetarë në Shqipërinë për të mësuar më shumë rreth kësaj situate.

Pas Hasit, kryeqyteti i vendit, Tirana është vizituar nga gazetarët e The Sun.

Ata kanë marrë në intervistë drejtorin e policisë se imigracionit Saimir Boshnjakun, i cili është pyetur në lidhje me largimin e shqiptarëve nga vendi. Ai tha se arsyet pse të rinjtë largohen nga Shqipëria janë të ndryshme përfshirë këtu gjakmarrjen, konfliktet me banda kriminale dhe mundësitë ekonomike që është dhe arsyeja kryesore. Ndërkohë ai shtoi se po bëhet çmos për të ndaluar këtë largim të shqiptarëve drejt Anglisë.

Nga ana tjetër, deputeti i Partisë Demokratike, Ervin Salianji tha se largimi i të rinjëve po krijon një fatkeqësi për ekonominë e vendit. Ai e krahasoi Shqipërinë me shtetet e Amerikës Latine ku është i përhapur korrupsioni dhe vendi sundohet nga gangësterët e kokainës. Salianji shtoi se nuk është befasi që kaq shumë njerëz po shpërngulen në Mbretërinë e Bashkuar pasi kjo ka vazhduar për një kohë të gjatë, por ajo që është befasuese është se sa pak po bën qeveria për ta parandaluar këtë fenomen. Ndërsa, zëdhënësi i qeverisë shqiptare, Endri Fuga tha se është për të ardhur keq që në Shqipëri ka deputetë që janë kaq të gatshëm të godasin ndërkombëtarisht vendin e tyre për përfitime të vogla politike.

Artikulli i plotë i The Sun

Mijëra shqiptarë po largohen drejt Britanisë së Madhe me gomone dhe përfundojnë në kthetrat e bandave të drogës. Këtë fakt e kanë bërë me dije zyrtarë të lartë të Anglisë.

Media britanike, The Sun të dielën vizitoi Tiranën, pasi një raport ushtarak zbuloi se katër nga dhjetë emigrantë që kalonin Kanalin ilegalisht vinin nga Shqipëria.

Shefat e lartë të policisë në qytet pretendojnë se shumica e atyre që largohen po e bëjnë këtë për arsye financiare.

Drejtori i policisë së imigracionit, Saimir Boshnjaku, i pyetur për eksodin në Britani, tha se: “Disa njerëz duhet të largohen sepse janë në gjakmarrje, ose janë në konflikt me bandat kriminale dhe kanë frikë mos u ndodh diçka. Por shumica janë emigrantë që largohen për motive ekonomike. “Njerëzit që bëjnë para nga droga kthehen këtu duke ngarë Maseratis dhe Mercedes dhe blejnë një vilë të madhe në fshat. Të rinjtë e shohin këtë dhe kjo i bën ata të duan të bëjnë të njëjtën gjë.”

Rreth një në pesë persona në disa zona kanë lënë Shqipërinë pasi janë joshur nga premtimet për pasuri të mëdha në Mbretërinë e Bashkuar.

Ambasadori i Shqipërisë në Britaninë e Madhe, Qirjako Qirko, tha se janë 150,000 bashkatdhetarë të tij në Britani. Kjo do të thotë se numri është më shumë se trefishuar që nga viti 2019, kur Zyra Kombëtare e Statistikave deklaroi se ishin 47,000. Por kostoja e kontrabandimit në Britani mund të jetë deri në 30,000 £.

Të rinjtë shqiptarë që bëjnë udhëtimin për në Britaninë e Madhe mund të përfundojnë në borxhe ndaj bandave të cilat më pas i detyrojnë të shpërndajnë kokainë ose të punojnë në “shtëpitë e barit” në qytetet britanike.

Burimet qeveritare në Angli thonë se është krijuar një cikël toksik ku njerëzit më të varfër joshen në vese, ndërsa bosët e krimit fitojnë shuma marramendëse parash. Disa madje po përfundojnë në burgjet e Mbretërisë së Bashkuar dhe hetimet kanë zbuluar se dëbimet do të dyfishohen këtë vit pasi zyrtarët përpiqen të eleminojnë eksodin.

The Sun raporton se Home Office ka shpenzuar 1 milion £ për një stacion të ri policie në Aeroportin Ndërkombëtar të Rinasit në Tiranë këtë vit për të ndihmuar në sistemin e të kthyerve. Në vitin 2021, 497 shqiptarë u dëbuan nga Britania e Madhe. Megjithatë, në gjashtë muajt e parë të këtij viti 443 janë kthyer, që do të thotë se shifra e vitit të kaluar ka të ngjarë të dyfishohet deri në dhjetor.

Shefi i imigracionit Saimir Boshnjaku tha: “E di që imigracioni i paligjshëm është një shqetësim i madh dhe mund t’ju siguroj se po bëjmë çmos për t’i dhënë fund. “Kur një shtetas shqiptar dëbohet nga qeveria e Mbretërisë së Bashkuar, ne i marrim në pyetje dhe kontrollojmë nëse kërkohet për ndonjë akuzë. Nëse është kështu, i dërgojmë në burg. “Atyre që kanë emigruar ilegalisht u ndalohet udhëtimi duke i penguar ata të largohen nga vendi. “Nuk është e lehtë për ne, kështu që ne i jemi shumë mirënjohës qeverisë britanike për këtë stacion të ri policie.” Lidhjet e Shqipërisë me Britaninë janë të dukshme në Tiranë, ku makinat luksoze me targa të Mbretërisë së Bashkuar mund të shihen duke lëvizur nëpër rrugët e kryeqytetit.

Të ashtuquajturat “vila londineze” të ndërtuara me para të bëra ilegalisht jashtë shtetit po shfaqen gjithashtu në qytete dhe fshatra të largëta të shkatërruara më parë nga varfëria.”Ne po bëjmë çmos për t’i dhënë fund”. Rreth 2 miliardë £ do të investohen në Shqipëri nëpërmjet huave të dhëna nga UK Export Finance, në një përpjekje për të përmirësuar mundësitë dhe për të bindur të rinjtë se kanë një të ardhme në vendin e tyre.

Por deputeti i Partisë Demokratike, Ervin Salianji, thotë se politikanët shqiptarë po merren për budallenj. Ai e krahason Shqipërinë me narko-shtetet e Amerikës Latine, ku korrupsioni është i përhapur dhe gangsterët që merren me kokainë sundojnë me një kontroll të hekurt.

Ai tha: “Nuk është befasi që kaq shumë njerëz po shpërngulen në Mbretërinë e Bashkuar pasi kjo ka vazhduar për një kohë të gjatë. Ajo që është befasuese është se sa pak po bën qeveria për këtë. Trafikimi i qenieve njerëzore është një problem i madh për Shqipërinë. “Për shkak se kaq shumë njerëz po largohen, kjo po shkakton një fatkeqësi ekonomike.

“Ka qytete dhe fshatra të tëra ku nuk do të gjesh askënd nën moshën 40-vjeçare. “Një raport i OKB-së ka deklaruar se popullsia e Shqipërisë do të bjerë nga 2.8 milionë në një milionë në shekullin e ardhshëm dhe është e vështirë të imagjinohet ndikimi që do të ketë. “Por përballja me kriminelët nuk duket të jetë prioritet për qeverinë”.

“Në vend të kësaj, kryeministri Edi Rama po propozon një ‘amnisti fiskale’ që do t’u mundësonte shqiptarëve që jetojnë jashtë të kthejnë deri në dy milionë euro pa asnjë pyetje. “Qeveria dëshiron t’i taksojë këto para me shtatë për qind, por është e qartë se një sistem i tillë do t’i lejojë kriminelët të pastrojnë paratë e tyre të pista.

Më shumë se 1500 shqiptarë ndodhen aktualisht në burgje në Angli dhe Uells, duke i bërë ata përqindjen më të lartë të shtetasve të huaj në paraburgim, sipas statistikave të qeverisë së Mbretërisë së Bashkuar.”Thjesht duke forcuar kontrabandistët “Shifrat e reja treguan se nga 2,863 emigrantë të transportuar nga nëntë banda nga 1 qershori deri më 12 korrik të këtij viti, 1,075 ose 37.5% ishin shqiptarë.

Pothuajse tre herë më shumë emigrantë që mbërrijnë në brigjet e Mbretërisë së Bashkuar nga Franca vijnë nga Shqipëria ku nuk ka pasur luftë për më shumë se 25 vjet krahasuar me vendet e tjera. Vitin e kaluar 3000 foshnja lindën në Britani nga nëna shqiptare, duke i bërë ata kombësinë e dhjetë më të zakonshme të lindjes, nga 41-ta e një dekade më parë.

Zëdhënësi i qeverisë shqiptare, Endri Fuga tha: “Për Shqipërinë është për të ardhur keq që ka deputetë që janë kaq të gatshëm të godasin ndërkombëtarisht vendin e tyre për përfitime të vogla politike. “Por kjo është arsyeja pse ata nuk janë në gjendje të fitojnë dhe kanë kaluar nëntë vitet e fundit në opozitë. “Si qeveri ne kemi punuar ngushtë me të gjitha institucionet përkatëse në Mbretërinë e Bashkuar dhe rezultatet kanë qenë gjithmonë më të mira kur ka pasur bashkëpunim të vërtetë dhe të sinqertë nga të dyja palët.”

Clare Moseley, themeluesja e Care4Calais, tha: “Nga kolegët në sektorin e bamirësisë që kanë lidhje më të ngushta me Shqipërinë, ne e kuptojmë se vendi mund të mos jetë në luftë, por kjo nuk do të thotë se është një vend i sigurt. “Ka çështje serioze të dhunës, detyrimit dhe trafikimit të njerëzve, përfshirë trafikimin e fëmijëve, dhe shifrat e fundit tregojnë një normë pranimi prej 55 për qind për refugjatët shqiptarë, kështu që çdo pretendim se ata janë të gjithë emigrantë ekonomikë mund të jetë i supozuar.”

Ajo shtoi: “Nëse ka pasur një ndryshim kohët e fundit, kjo është dëshmi e mëtejshme se politikat parandaluese të qeverisë nuk kanë asnjë ndikim dhe thjesht po forcojnë kontrabandistët.Realiteti është se qeveria ka mbyllur të gjitha rrugët zyrtare për refugjatët për të kërkuar azil në Mbretërinë e Bashkuar, duke i çuar njerëzit në duart e kontrabandistëve të njerëzve dhe duke ofruar atë numër rekord të kalimeve me varka të vogla.

“Nëse ne u japim viza për kalim të sigurt, në bazë të shqyrtimit për një kërkesë të qëndrueshme për azil, për refugjatët e tjerë në një mënyrë të ngjashme me atë që bëjmë me ukrainasit, kjo do të shpëtonte jetë.”

“Nuk ia vlen të rrezikosh”

Shqiptarët rrezikojnë në udhëtim  duke shpresuar për një jetë më të mirë në Mbretërinë e Bashkuar, por nuk ka asnjë garanci për tu pasuruar shpejtë. Saldatori Klodjan Deda tani është penduar që pagoi 3,500 £ disa njerëzve që e çuan atë nga Franca në brigjet angleze me gomone në Prillin e vitit të kaluar.

Ai kaloi një vit duke jetuar në Londër, por zbuloi se 170 £ që fitonte çdo ditë nuk mjaftonin për të paguar faturat. Ai u kthye në Shqipëri në qershor dhe tani po punon me 20 £ në ditë për të njëjtën punë.

Klodjani, 27 vjeç, tha: “Nëse dikush do të më pyeste nëse duhet të transferohej në Mbretërinë e Bashkuar, do të thosha se nuk ia vlen. “Vetëm njerëzit që shkojnë atje për të shitur drogë ose për të punuar në shtëpitë e kanabisit fitojnë shumë para. Nëse punon shumë në një punë të zakonshme, fiton mjaftueshëm për të mbijetuar.

“Londra është aq e shtrenjtë sa që edhe pse po fiton pothuajse dhjetë herë më shumë sesa në Shqipëri, nuk ka shumë ndryshim. “Më vjen shumë keq që shpenzova kaq shumë nga kursimet e mia për të arritur në Britani.” Doja të filloja një jetë të re atje dhe të kisha më shumë siguri dhe një standard më të mirë jetese. “Por udhëtimi ishte shumë i rrezikshëm dhe më mungonte familja ime dhe moti i këndshëm që kemi këtu.” Jam shumë më i lumtur tani, edhe pse të gjithë miqtë e mi janë ende në Londër.” Pasi mbërriti në Calais, Klodjan kontaktoi me një grup trafikimi njerëzor dhe hipën në një varkë me 14 persona të tjerë gjatë natës. Klodjani shtoi: Ishte ftohtë dhe ne u lagëm shumë gjatë kalimit 12-orësh, por ishim me fat që pati luhatje vetëm në mes të Kanalit.” Për pjesën tjetër të udhëtimit ishte mirë. Policia nuk u përpoq të na ndalonte ne dhe nuk pamë shumë anije të mëdha. “Pjesa më e frikshme ishte kur hipëm në varkë, pasi ishim të shqetësuar se trafikantët mund të na hidhnin në det. “Nuk e di ku zbritëm, por na mblodhën disa zyrtarë në plazh.” Është shumë e zakonshme të udhëtosh në Angli tani, edhe pse është e rrezikshme, dhe unë njoh njerëz që pothuajse humbën këmbët në hipotermi.”/Opinion.al

 

Pas