Kronikë

Kapja e personave në kërkim, ndalohen 3 persona në Lezhë


               Publikuar në : 10:05 - 12/09/19 |
Al Do

Policia e Lezhës ka zhvilluar një operacion të gjerë kontrolli në të gjithë territorin e Lezhës, i koduar “Qarku”, për kapjen e personave në kërkim, si dhe atyre që qarkullojnë me armë zjarri.

Si rezultat i tij, falë edhe mbështetjes dhe bashkëpunimit me qytetarët, u lokalizuan dhe u kapën 3 persona të shpallur në kërkim ndërkombëtar e kombëtar.

Konkretisht u arrestua Erikson Tetaj, 23 vjeç, banues në Lezhë. Gjykata Monza Itali e ka dënuar me 20 vite burg për veprat penale “Shfrytëzim prostitucioni” dhe “Trafikim i lëndëve narkotike”, kryer në bashkëpunim. Interpol Tirana në bashkëpunim me Interpol Romën po vijojnë procedurat për ekstradimin e tij drejt Italisë.

U kap dhe u ndalua shtetasi në kërkim kombëtar E.N., 22 vjeç, banues në Laç. Ky shtetas dyshohet se është autori i vjedhjes së dyqanit të shtetases B.K., në Laç, ndodhur më 10 korrik 2019, ku ka vjedhur mallra dhe vlera monetare.

Gjithashtu u arrestua shtetasi B. P., 28 vjeç, banues në Mamurras, për veprën penale “Armëmbajtja pa leje”. Këtij shtetasi, gjatë kontrollit fizik iu gjet dhe sekuestrua në cilësinë e provës materiale një armë zjarri pistoletë TT me krehër me 7 fishekë, pa leje.

U procedua penalisht shtetasi E.Sh., vjeç 32, banues në Lezhë. Këtij shtetasi, gjatë kontrollit fizik iu gjetën dhe sekuestruan në cilësinë e provës materiale disa doza lëndë narkotike. /Opinion.al

Pas