Aktualitet

Përkujtimi i Azem Hajdarit, Meta dhe Basha apel për demokracinë


               Publikuar në : 10:34 - 12/09/19 |
Al Do

Ceremonia përkujtimore për vdekjen e Azem Hajdarit ka nisur në Varrezat e Dëshmorëve ku morën pjesë disa përfaqësues të grupeve parlamentare, përfshi edhe vajzën e tij Rudina Hajdari. Nga ana tjetër Presidenti i republikës, Ilir Meta ka vendosur ti kryejë homazhet në memorialin e ish-deputetit Hajdari.

“Sot ishte një detyrim për të nisur ditën me nderimin e kujtimin e përjetshëm të Azem Hajdarit. Liderit të Lëvizjes Studentore, që soli pluralizmin. Ajo është lëvizja më e rëndësishme e vendit tonë. Dita me e rendesishme qe ndan dy epoka e qe e rivendos vendin ne rrugen e duhur te demokracise, lirise dhe te drejtave te njeriut dhe te pluralizmit politik, zgjehdjeve te lira e te ndershme qe jane kolona vertebrore e cdo sistemi demokratik qe duhet mbrojtur nga te githe dhe me cdo cmim”- tha Meta.

Partia Demokratike gjithashtu i ka nisur homazhet në memorialin, që përkon me vendin e vrasjes së Azem Hajdarit. Kryetari i PD, Lulzim Basha, ish-kryeministri Sali Berisha, përfaqësues të Partisë Demokratike si edhe qytetarë kanë qenë të pranishëm gjatë vendosjes së kurorave.

Ceremonisë i është bashkuar edhe deputetja Rudina Hajdari, e shoqëruar nga e ëma dhe dy vëllezërit.

“Sot shqiptarët nderojnë Azem Hajdarin, liderin e lëvizjes studentore të ’90, që u vra mizorisht nga kriminelët e veshur me uniformën e shtetit.

Amaneti dhe sakrifica e Azem Hajdarit janë përjetë shembull frymëzimi për të çuar deri në fund idealin e një Shqipërie europiane dhe demokratike, ku qytetarët janë zotë të fateve të tyre me një politikë të ndarë nga krimi, ku kriminelët të jenë para drejtësisë dhe pas hekurave dhe fatet e vendit të merren me përgjegjësi të plotë nga ata që shqiptarët i gjykojnë me votë të lirë dhe të ndershme. Sot në këtë 21 vjetor akoma është aktuale plaga e hapur, krimi vijon që të ketë mbrojtjen dhe postet shtetërore.

E sotmja është po kështu edhe një thirrje për bashkim mes të gjithë shqiptarëve të ndershëm, demokratëve dhe socialistëve të ndershëm që kurrë nuk e kanë pranuar politikën e lidhur me krimin dhe vjedhjen me ligj si politikën e vetme për t’u bërë bashkë për të hapur rrugën e Shqipërisë si gjithë Europa. K ardhur koha që rinia shqiptare ta mbyllë tranzicionin dhe të hapë rrugën e vlerave, demokracisë, lirisë dhe barazisë para ligjit. Ky është nderimi më i madh për Azem Hajdarin dhe qindra të tjerë” tha Basha. /Opinion.al

Pas