Aktualitet

Kapin vlerën 119 mijë €,sekuestrohen rreth 2 ton ilaçe kontrabandë,2 të arrestuar


Bëhu pjesë e Grupit Zyrtar të Opinion.al
>> KËTU <<
               Publikuar në : 08:32 - 10/12/21 |
Opi Nion

Janë sekuestruar 1950 kg ilaçe kontrabandë mëngjesin e sotëm në doganën e Durrësit.

Sipas policisë medikamentet po importoheshin në territorin shqiptar si ndihma humanitare dhe kapin vlerën prej 119 mijë euro.

Mësohet se janë arrestuar dy persona me inicialet A.B., dhe A.P. Këta të fundit akuzohen për veprën penale “Kontrabandë me mallra të licencuara” të parashikuara nga neni 173 i Kodit Penal.

Njoftimi
Strukturat e Administratës Doganore në bashkëpunim me Prokurorinë dhe Policinë e Shtetit,  kanë konkretizuar me sukses goditjen e një skeme mashtrimi- kontrabandë, në importin e medikamenteve, të importuara në territorin doganor shqiptar si ndihma humanitare, në portin e Durrësit.

Në bazë të analizës së riskut, autoritetet doganore ushtruan kontroll në automjetin me targa AA249NN, nga ku rezultoi se krahas mallrave të deklaruara, ishte dhe një sasi ilaçesh prej 1950 kg ose 8793 kuti me medikamente të ndyshme, të cilat kapin vlerën prej 119 mijë euro. Këto medikamente nuk dispononin dokumentacionin përkatës për importimin e tyre në territorin shqiptar, ndaj u sekuestruan.

Vlera e detyrimeve doganore të shmanguara për mallrat e përshkruara më sipër kap shumën 2.979,455 lekë, ndërsa penaliteti për vlerën e detyrimeve të shmangura është në shumën 8.938,365 lekë. Në total, shuma e detyrimeve doganore dhe penaliteteve të shmangura është 11.917,820 lekë.

U arrestuan në flagrancë për veprën penale “Kontrabandë me mallra të licencuara” të parashikuara nga neni 173 të Kodit Penal, shtetasit A.B dhe A.P.

Materialet për rastin në fjalë janë referuar në Prokurorinë pranë Gjykatës së Shkallës së Parë Durrës.

Administrata Doganore mbetet e angazhuar në mbështetje të ligjshmërisë dhe biznesit të ndershëm, ndërkohë që i bën thirrje të gjithë shtetasve, subjekteve importues dhe atyre transportues, për respektimin e ligjit dhe procedurave doganore./Opinion.al

 

Pas