Një ditë pas shpalljes së fituesve në universitete kanë vershuar ankesat e maturantëve. Mijëra prej tyre ankohen se nuk kanë arritur të fitojnë vetëm prej skemës së hartuar nga Ministria e Arsimit. Ata akuzojnë se kjo mund të jetë e qëllimshme për të çuar me pahir studentë në universitetet private.
“Është një kaos i vertetë. Nuk dimë çfarë bëhet. E kam mesataren 9.4 dhe nuk kam fituar asnjë prej 10 degëve në formular”, thotë një maturant i gjimnazit Ismail Qemali. Sipas tij shpresa e vetme është faza e dytë e përzgjedhjes, në të kundërt do të studiojë në privat.
Sakaq, Klodi Leka, nga Lëvizja për Universitetin që ka marrë kontakt me disa studentë, thotë për Opinion.al, se “një pjesë e maturantëve me rezultate absolute 10 kanë fituar një sërë degesh, kjo ka bërë që të mbeten jashtë maturantë të tjerë që janë me 9 e lart. Kjo ka shkaktuar rrëmujën”, thotë ai. Ndërkaq problem tjetër ka qenë mosnjohja e pikëve për lëndët e avancuara, pasi janë vlerësuar njësoj si ato të zakonshmet.
Përsa i përket skemës së përzgjedhjes së maturantëve në universitete, Leka shprehet se Ministria e Arsimit e ka ndryshuar 5 herë brenda këtij viti. Herën e fundit, dy javë para provimeve. Klodi Leka nga Lëvizja për Universitetin, tha se shumë studentë mendojnë se gjithë ky “lëmsh” krijohet qëllimisht që t’ju vështirësojë atyre pranimin në universitetet shtetërore dhe për pasojë të regjistrohen në privat nga frika se mund të mbetet pa shkollë.
Dekani i Ekonomikut, Dhori Kule, po sot deklaroi se “ka pasur 19 mijë kërkesa ndërkohë që kandidatë fitues deri tani janë 1325 studentë”.
“Kemi marrë më të mirët ata, me mesatare nga 10 deri në 9.24”, tha Kule. Ndërkohë që akoma nuk është thënë fjala e fundit pasi edhe nëse regjistrohen të gjithë kandidatët fitues fakulteti ofron ende edhe 352 vende për studentët e tjerë, vijoi ai.
Reagimi i Ministrisë, përmes Sekretarit të Përgjithshëm Plarent Ndreca: http://opinion.al/pranimi-ne-universitete-flet-zyrtari-i-mas-do-kete-fitues-te-tjere-ska-vend-per-panik/
Më poshtë, disa prej ankesave bërë në rrjetet sociale lidhur me kaosin në universitete. /Opinion.al
