Bota

Johnson: Gratë transgjinore s’duhet të konkurrojnë në sportet e femrave


Bëhu pjesë e Grupit Zyrtar të Opinion.al
>> KËTU <<
               Publikuar në : 15:35 - 07/04/22 |
Opi Nion

Kryeministri i Mbretërisë së Bashkuar, Boris Johnson, deklaroi se gratë transgjinore, pra që janë biologjikisht meshkuj, nuk duhet të garojnë në sportet e femrave. “Ndoshta është një gjë e diskutueshme të thuhet, por ka kuptim për mua,” tha kryeministri britanik, duke folur në debatin e mprehtë që u ngrit në Britani pasi Emily Bridges, një çikliste transgjinore, u përjashtua nga kampionati kombëtar Omnium në Derby në Angli.

Johnson tha gjatë një vizite në një spital në Welëyn Garden City, Hertfordshire: “Unë nuk mendoj se meshkujt biologjikë duhet të konkurrojnë në ngjarjet sportive të grave. Ndoshta kjo që po them do të hasë kundërshtime, por më duket më e arsyeshme”.

Brenda qeverisë konservatore, mendimet për këtë çështje janë të ndara, disa argumentojnë se vetë institucionet sportive duhet të vendosin për këtë çështje. Por kryeministri Johnson u shpreh qartë: “Nëse këto deklarata më vendosin në konflikt me të tjerët, atëherë ne duhet ta zgjidhim problemin.  Kjo nuk do të thotë se nuk kam simpati për njerëzit që duan të ndryshojnë gjini, është jetike që t’u japim njerëzve dashurinë dhe mbështetjen maksimale, por këto janë probleme komplekse dhe nuk mund të zgjidhen me një legjislacion të shpejtë dhe të lehtë. Duhet shumë reflektim – përfundoi ai – për t’i zgjidhur ato në mënyrën e duhur”./Opinion.al

Pas