Kalimi te Juventusi i ka kushtuar 100 milionë euro, më i shtrenjti në historinë e Serisë A. Cristiano Ronaldo është futbollisti më i paguar në botë dhe bën me familjen e tij të zgjeruar në Torino një jetë prej sheiku.
Revista italiane “Chi”, ka llogaritur të ardhurat e futbollistit mes avionëve privatë prej 31 milionë eurosh, orëve me 420 diamantë dhe shisheve të shampanjës e verës për të festuar ditëlindjet e fëmijëve deri në 20 mijë euro.
Rroga që merr nga klubi bardhezi, e përmbledhur mes reklamave dhe të drejtës së imazhit, i sjell një buxhet vjetor pranë 100 milionë eurove, që Cristiano i shijon me partneren e tij Georgina dhe katër fëmijët e tij.
Në vilën torineze ku jeton, nuk mungon pikërisht asgjë: një mega-kopësht, palestër me sauna e hidromasazh, 20 vende parkimi për makinat (janë të paktën 18 luksoze që drejton).
Për ndonjë takim “në ajër”, portugezi hipën në avionin e tij jet-privat, që ka kushtuar 31 milionë euro, i cili ka çdo gjë që nevojitet sa i takon komoditetit.
Për të mos folur për markat për të cilat është i çmendur: nuk vesh asgjë që nuk është firmato. I adhuron orët dhe koleksioni i tij ka disa vërtet të çmuar që shkojnë deri në dy milionë euro. Dhe për të bërë dolli, shifrat e shisheve të shtrenjta të pijeve mbarojnë me katër zero prapa… Thuhet se do të martohet në Itali shumë shpejt me Georginana dhe pritet vërtet një dasmë përrallash…/gazetashqip
