Banorët e zonës së ‘Astirit’ që preken nga projekti i Unazës së Vogël kanë vijuar edhe mbrëmjen e sotme protestën e tyre. Ata bllokuan sërish rrugën dhe bënë thirrje kundër qeverisë për të marrë parasysh kërkesat e tyre.
“I bëj thirrje të gjithë popullit shqiptar që të ngrihen se kjo është një kauzë për gjithë Shqipërinë që po ik drejt humnerës. Po ikin njerëzit jashtë.U bëj thirrje të gjithë Ambasadave. O kryefaqezi, pronën do ta mbrojmë me gjak, me jetë!”, thotë një prej protestuesve.
Banorët vijojnë protestën prej 18 ditësh. Qeveri këmbëngul në vendimin e saj se ata nuk meritojnë dëmshpërblim pasi kanë ndërtua pa leje. Kryeministri Edi Rama tha sot se nuk do të ketë tërheqje nga projekti për Unazën e Vogël dhe as dëmshpërblim për banorët pa tapi.
