Bota

Jeffrey Epstein nënshkroi një testament vetëm dy ditë para vdekjes


               Publikuar në : 13:33 - 20/08/19 |
el ida

Financieri amerikan, Jeffrey Epstein kishte nënshkruar një testament dy ditë para se të kryente vetëvrasje në një burg të Nju Jorkut.

The Associated Press tha se nga disa dokumente të gjykatës është bërë e ditur se pasuria e Epstenit kap shifrën e 577 milionë dollarëve, mirëpo nuk është detajuar se kush janë përfituesit e tyre.

Dyshohet se Epstein ka vrarë jetën teksa ka qenë duke pritur nisjen e seancës gjyqësore kundër tij. Miliarderi 66 vjeçar ishte nën akuza federale për trafikimin për qëllime seksuale të vajzave adoleshente, disa prej tyre 14 vjeç.

Sipas akt-padisë, zoti Epstein i kishte joshur vajzat të shkonin në vilat e tij në Manhatan dhe Florida në periudhën 2002-2005 dhe i kishte paguar qindra mijëra dollarë për marrëdhënie seksuale me të dhe miqtë e tij./Opinion.al

 

 

Pas