Bota

Fëmijët e militantëve gjermanë të ISIS, kthehen në atdhe


               Publikuar në : 14:22 - 20/08/19 |
el ida

Katër fëmijë gjermanë me prindër të anëtarësuar në grupin militant, Shteti Islamik ISIS,  i janë dorëzuar Gjermanisë, nga administrata siriane e udhëhequr nga kurdët.

Agjencia e lajmeve, The Associated Press raporton se fëmijët janë mbajtur në kampe të ndalimit në Siri së bashku me 70,000 gra dhe fëmijë, shumica prej tyre të huaj, që kanë mbetur nga territoret e fundit siriane të kontrolluara nga ISIS.

Abdulkarim Omar, zyrtar për çështje të jashtme në administratën e drejtuar nga kurdët dhe të mbështetur nga Shtetet e Bashkuara tha se dorëzimi i fëmijëve ka ndodhur në kufirin sirian me Irakun, në prezencë të një zyrtari të Ministrisë së Jashtme gjermane.

Ministri i Jashtëm gjerman, Heiko Maas, u ka thënë gazetarëve në Berlin se ishte shumë “mirënjohës” që katër fëmijë nuk janë më në Siri.

“Ne do të vazhdojmë të punojnë që edhe fëmijë tjerë të largohen nga Siria. Ata janë kryesisht fëmijë të vegjël dhe jetesa e tyre atje nuk është as afër ideales. Fundja, ata nuk mund të mbahen përgjegjës për veprimet e prindërve të tyre”, ka thënë ai.

Gjermania është vendi i fundit evropian që ka riatdhesuar fëmijët e lindur me prindër, pjesëtarë të ISIS./Opinion.al

Pas