Aktualitet

“Janë aut”, Lëvizje drejtorësh në shkolla? Rama paralajmëron reformën në arsim


Bëhu pjesë e Grupit Zyrtar të Opinion.al
>> KËTU <<
               Publikuar në : 11:28 - 13/11/21 |
Opi Nion

Gjatë prezantimit të buxhetit për ministrinë e Arsimit për vitin 2022, kryeministri Edi Rama foli edhe për nivelin e drejtuesve në shkolla për të cilët nuk i kurseu kritikat.

Kreu i qeverisë tha se sot kemi në shkolla drejtues që janë “out” dhe që duhet të largohen për t’u lënë vendin atyre që e meritojnë.

Rama sqaroi se duhet bërë një skanim i plotë i drejtuesve në shkolla dhe kush nuk e meriton sipas tij duhet “të hapë krahun”.

Domosdoshmëria e një rritje cilësore të drejtimit të shkollës. Kemi bërë shumë për t’i nxjerrë nga politizimi, bakshishi dhe tarafi dhe për t’u dhënë mundësinë të gjithëve që ta realizojnë këtë me meritën e tyre, sistemi i pikëzimit që kalon përmes testeve. Pavarësisht rasteve të shpërdorimit me këtë test janë një përqindje shumë e vogël në raport me pjesën tjetër.

Por ne nuk kemi bërë shumë në raport me të shkuarën për drejtimin e shkollave. Kemi drejtues që nuk e meritojnë të drejtojnë shkollat dhe janë nën nivelin e mësueseve dhe të një kolektivi mësimor dhe që janë “out” dhe këtu është e qartë për ministren, për drejtorinë e përgjithshme që duhet ndërhyrë që drejtuesit me vlerë të mbështeten dhe motivohen dhe drejtuesve që u ka kaluar koha të largohen

Nuk ka rëndësi çfarë bindjesh ke dhe nga je, apo çfarë statusi ke. Duhet bërë një skanim i plotë, objektiv i drejtë, i të gjitha kapaciteteve drejtuesve të shkollave dhe kush nuk e meriton të hapë krahun për t’ja lënë vendin dikujt tjetër. Në çdo shkollë ka mësuese që mund të drejtojnë ministrinë e Arsimit dhe jo më një shkollë. Duhen gjetur aty në cdo shkollë mësueset që duhet të zëvendësojnë këta burra që u ka mbaruar koha me kohë e me vakt”- tha Rama./Opinion.al

 

 

Pas