Pjesa dërrmuese e njerëzve, kur puthem mbyllin sytë. Kjo vlen posaçërisht për vajzat, të cilat, sapo ndiejnë afërsinë e buzëve të ndokujt, sytë u mbyllen, gjë që është një reaksion i pavetëdijshëm, derisa meshkujt, që janë tipa vizualë, me gjithë forcën përpiqen të shikojnë partneren e vet.
Po pse ndodh kjo gjë? Siç konstatojnë shkencëtarët, për shkak të vrullit të përndezjes seksuale, ndodh zgjerimi i bebes së syrit, ndërkaq kjo e trazon trurin dhe ai mendon që është errësirë, andaj automatikisht i mbyll sytë.
Sipas një tjetër hipoteze thuhet se nuk është edhe aq e thjeshtë që njëkohësisht të lëvizësh sytë dhe gjuhën. Është njësoj si të fërkoni barkun dhe të përplasni lehtë duart në majë të kokës.
Gjithashtu, syrit të njeriut nuk i pëlqen kur ndonjë objekt i afrohet aq afër, sepse nuk arrin të fokusojë dhe të shohë qartë, prandaj fytyra e partnerit duket e deformuar dhe e çuditshme.
