Me një spektakël magjik mode, pasioni dhe trashëgimie kulturore, Muza Competition 2025 mbylli me sukses edicionin e saj të katërt.
Nën autorësinë dhe përkushtimin e producentes Andriola Kambo, si dhe të skuadrës që ajo përfaqëson, platforma Muza Competition, e mbështetur nga Unioni i Bashkive Shqiptare, u rikthye edhe këtë vit si një ngjarje madhore kulturore që synon të frymëzojë dhe të promovojë talentet e reja shqiptare në fushën e fashion-dizajnit.
“Risi e këtij edicioni ishte hapja e skenës për vajzat që ëndërrojnë të bëhen modele. Për herë të parë, pasarela e Muzës mirëpriti pjesëmarrëse nga Shqipëria, rajoni dhe diaspora – të cilat, me prezencën dhe elegancën e tyre, sollën një dimension të ri dhe fuqizues për vajzat e reja që duan të ndjekin rrugën e modelingut” thuhet në një komunikatë për mediat.
Pas një konkurrimi të fortë dhe një prezantimi mbresëlënës të 10 finalistëve, fituesit e këtij edicioni ishin:
- Çmimi i Parë: Moralda Durra me koleksionin me titull “Një mijë e një fije” – pjesëmarrje në Javën e Modës në Milano (mbështetur nga Ministria e Ekonomisë, Kulturës dhe Inovacionit);
- Çmimi i Dytë: Ezmerina Kasa me koleksionin me titull “N’Pej”- prezantim për një vit në Biscayne Showroom, Miami (ofruar nga Mana Fashion Services);
- Çmimi i Tretë: Xheksil Muça me koleksionin me titull “Illyris”– bursë për kurs profesional në Dubai (nga Istituto Marangoni)
- Çmimi i Katërt: Alma Salihi me koleksionin me titull “Në hijen e kujtimeve”– bursë studimi master nga Akademia Evolucion, Prishtinë
“Juria e Muza Competition 2025 përbëhej nga personalitete me kontribute të shquar në modë, art, media dhe kulturë – figura që jo vetëm frymëzojnë, por edhe udhëheqin brezat e rinj në rrugën e suksesit..
Anëtarët e jurisë ishin:
Rudina Magjistari, Fadil Berisha, Emina Cunmulaj, Afërdita Onuzi, Enada At’Nikolla, Helidon Haliti.
Të ftuarit special që i dhanë edhe më shumë shkëlqim mbrëmjes ishin:
- Nicole Miller – një nga dizajneret më të njohura të modës amerikane
- Carol Alt – ikonë globale e pasarelave dhe kopertinave
- Matilda Kalaveshi – eksperte me mbi 20 vite përvojë në industrinë globale të modës
- Tony Dovolani – artist shqiptar me karrierë ndërkombëtare në SHBA
- Gerolamo Etro – trashëgimtar i shtëpisë ikonë të modës italiane ETRO.
Mbrëmja u përmbyll me një performancë nga artisti i mirënjohur Armend Rexhepagiqi.
Muza Competition po kthehet në një lëvizje të gjallë kulturore dhe krijuese, duke treguar se talenti shqiptar mund të prekë skenat më të mëdha të modës botërore. Na ndiqni sërish vitin e ardhshëm – në Muza 2026!”, thuhet në komunikatën për mediat.
