Aktualitet

Ja cila është kompania që Basha e akuzoi për lidhje me pushtetin


Bëhu pjesë e Grupit Zyrtar të Opinion.al
>> KËTU <<
               Publikuar në : 13:41 - 31/10/15 |
b.f

Cila është kompania Info-Telecom dhe cfarë ofron ajo në tregun shqiptar të telekomunikacionit? Sipas burimeve për Opinion.al, kompania Info-Telecom, u krijua realisht në vitin 2009, me nxitjen e autoritetit të konkurrencës, për të reduktuar dominimin e tregut të telekomunikacionit nga kompania Vodafone, që në atë kohë përfshinte rreth 50% të tregut, duke lënë që 50% i mbetur të ndahej mes 3 kompanive të tjera. Si një kompani e krijuar thjesht dhe vetëm për të ulur dominimin e Vodafone në treg, duket se Info-Telecom është një kompani pa ndonjë të shkuar, por që arriti të ngrihet shumë shpejt. Në shkrimin e revistës “Monitor”, i publikuar në shtator të këtij viti, thuhet se Info-Telecom është një operator i ri në tregun e telekomunikacionit dhe që shënon rritje të ndjeshme në vitet 2013- 2014. Nëse përpiqesh të mësosh më më shumë për shërbimet që ofron kjo kompani, në faqen e saj zyrtare lexon: “INFO-Telecom eshte nje operator i licensuar i komunikimit elektronik ne Shqipëri i cili siguron shitje totale dhe me pakicë të Telekomunikacionit dhe shërbime te dhenash. Ne jemi te specializuar ne ofrimin e një shërbimi të cilësisë së lartë e me cmime konkurruese në vendet e Ballkanit dhe te Afrikës Veriore e Jugore. I themeluar ne 2009, INFO-Telecom mori licensen për te ofruar sherbim telefonik fiks, komunikim kombetar dhe nderkombetar, transmetim të dhënash nëpermejt përdorimit të rrjetit të tij publik për sherbimet elektronike dhe plane te shumta te percaktuara nga Autoriteti i Komunikimit Elektronik dhe Postar (AKEP)”. Kompania është ofruar në treg me dy funksionet themelore, atë të transitimit të thirrjeve telefonike për pajtimtarët dhe transitimin e thirrjeve ndërmjet operatorëve, duke qenë në këtë mënyrë një kompani thjesht faturuese.  Sipas burimeve të saj, Info-Telecom ka marrëveshje me 150 operatorë të huaj dhe realizon 80% të të ardhurave nga tranzitimi i thirrjeve nga jashtë-brenda Shqipërisë.

KOMENTO (1)

Shkruaj nje koment

  1. Cfare pastrim leku ne mes te dites ne sy te te gjitheve, dhe skane turp fare. Vetem te gjenerosh te ardhura aq sa keta do te thote te kesh me shume se 80 perqind te shqiptareve abonente te qendrueshem ???

Pas