Zv/kryeministri Niko Peleshi nuk ka pranuar të komentojë informacionet mbi largimin nga posti të ministrit të Drejtësisë, Ylli Manjani.
Pasi u pyet nga gazetarët, Peleshi tha: “Nuk e kam një informacion të tillë. Ku e keni dëgjuar këtë? Nuk mund të komentoj informacione në ajër”. Më herët u pyet edhe ministri i Financave Arben Ahmetaj i cili tha se s’kishte dijeni për lëvizjet në Qeveria. Por Ahmetaj bëri thirrje për etike politike.
Ndërsa mbrëmë vonë, përmes një statusi në Facebook, vetë Ylli Manjani ka përgënjeshtruar lajmin për dorëheqjen e tij.
Manjani sqaron se gjithçka ka nisur nga anulimi i një konference për shtyp, të cilën ai shton se e ka anuluar për arsye thjesht shëndetësore.
Në reagimin e tij Manjani thekson se as nuk ka dhënë dorëheqje, e as nuk është shkarkuar nga posti i tij si ministër i Drejtësisë.
