Bota

Itali/Aksion kundër Ndrangheta, mbi 200 urdhër-arreste, i përfshirë një kryebashkiak



Bëhu pjesë e Grupit Zyrtar të Opinion.al
>> KËTU <<
               Publikuar në : 10:00 - 01/09/22 |
Opi Nion

Një operacion kundër “Ndrangheta” është zhvilluar në orët e para të mëngjesit në Kozenza të Italisë.

Mediat italiane bëjnë me dije se operacioni është koordinuar nga magjistrati i rrethit Nicola Gratteri, i cili ka ekzekutuar mbi dyqind urdhra arresti.

Në këtë operacion janë ndaluar aministratorë vendas, profesionistë, sipërmarrës dhe eksponentë të krimit të organizuar të Cosenza.

Kryebashkiaku i Rendes, Marcello Manna, si dhe dy këshilltarët e tij Francesco De Cicco dhe Pino Munno, përfunduan në arrest shtëpie.

Sipas prokurorisë, personat ndaj të cilëve janë lëshuar urdhërra arresti, akuzohen për organizatë kriminale të tipit mafioz, organizatë kriminale me qëllim trafikun e drogës, organizim të paligjshëm lojërash, përfshirë lojërat e fatit dhe basteve, pastrim parash, vetëpastrim dhe transferim i paligjshëm i aseteve dhe vlerave.

Gjatë operacionit është bërë edhe sekuestrimi i pasurive të luajtshme dhe të paluajtshme me një vlerë prej 72 milionë eurosh./Opinion.al

Pas