Bota

Ish-guvernatori Bill Weld, sfidanti i parë i Trump brenda partisë


               Publikuar në : 08:51 - 16/04/19 |
b.f

Ish-guvernatori i Massachusetts Bill Weld është sfidanti i parë i Donald Trump brenda Partisë Republikane për zgjedhjet presidenciale të vitit 2020. Weld është 73 vjeç dhe ka qenë guvernator në vitet 1991-1997, pasi punoi për Departamentin Amerikan të Shtetit gjatë presidencës Reagan. Në vitin 2016 kandidoi për postin e zëvendëspresidentit të Partisë Liberale, ndërsa të hënën nëpërmjet një videoje ka shpallur kandidaturën për të marrë besimin e republikanëve për zgjedhjet e vitit 2020.

Gjithsesi, ka pak gjasa që tentativa e Weld të ketë sukses. Komiteti Kombëtar i Partisë Republikane ka bërë të ditur se “çdo tentativë për të sfiduar nominimin e presidentit, nuk do të ketë fund të mirë”. Sipas sondazheve të fundit, 89% e republikanëve mbështesin kandidaturën e Trump për zgjedhjet presidenciale./Opinion.al

Pas