Kronikë

Ish-burri e goditi 7 herë me thikë, shqiptarja nga spitali: Ku janë fëmijët e mi?



Bëhu pjesë e Grupit Zyrtar të Opinion.al
>> KËTU <<
               Publikuar në : 11:37 - 11/07/22 |
Opi Nion

Shqiptarja, e cila u godit 7 herë me thikë nga ish-bashkëshorti në një autobus në Itali. E reja ndodhet në spital, në gjendje të rëndë shëndetësore, por sapo ka hapur sytë ajo ka pyetur për fëmijët e saj.

“Shpresoj të dal nga spitali shpejt dhe të shoh përsëri fëmijët e mi, nuk do t’i lë më kurrë. Ku janë fëmijët e mi, si janë?”, këto ishin fjalët e saj të para teksa vazhdon të jetë e shtruar në spitalin Sant’Andrea në La Spezia.

Mediat italiane shkruajnë se pranë saj është gjendur avokati, Massimiliano Leccese i cili e qetësoi shqiptaren duke i thënë: Ata janë të mirë.

Ndërkohë, disa qindra metra më tutje, ish-bashkëshorti Sokol Begaj, 37 vjeç, shqiptar ndodhet në qeli në burgun e vilës Andreino, i akuzuar për vrasje të mbetur në tentativë.

“Ai është në një gjendje të vështirë psikologjike sepse nuk mund ta kuptojë se çfarë ka ndodhur”,-thotë avokati i tij, Cristian Falconi.

Një ditë para ngjarjes, çifti kishte arritur një marrëveshje jashtëgjyqësore për kujdestarinë e fëmijëve.

“Ata kishin ardhur së bashku. Dukej se kishin gjetur mirëkuptim. Kemi parë kaq shumë çifte që grinden për kujdestarinë e fëmijëve. Ata nuk e bëjnë. Dhe pastaj ata u larguan së bashku. Gjithçka dukej e qetë”,-thonë avokatët./Opinion.al

Pas