Aktualitet

Integrimi në BE, Rama: Nuk do t’i lusim, ata janë në depresion dhe nervozë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:09 - 02/07/21 |
Opi Nion

Kryeministri i Shqipërisë, Edi Rama, në “Forumin e Prespës” nuk ka kursyer batutat me BE për negociatat dhe mbajtjen e konferencës së parë ndërqeveritare.

Gjatë fjalës së tij ai theksoi se nëse BE nuk do të mbajë një të tillë, atëhere për Shqipërinë e Maqedoninë e Veriut është një më pak.

Më tej Rama teksa tha se nëse BE ka një vënd për tu zbavitur ai është Ballkani Perëndimor, shtoi se në BE janë më nervozë dhe në depresion se në Ballkanin Perëndimor.

“Kishim takim me Zaevin dhe Vuçiçin në “Zoom”. Përpiluam një deklaratë, nuk do ishte asgjë që tu themi më shumë njerëzve nga Europa, nëse nuk na pranoni, do të vijnë të tjerë. Ne dukemi si një nuse, që i thonë një beqari nëse nuk do ti do të vijë dikush tjetër. Nuk jemi të frustruar dhe në depresion, jemi super. Sinqerisht ua them. Janë më depresivë prej nesh në BE, më nervozë.
Ti lënë të gjithë, nuk do të lusim, nuk do të themi që jemi djem të mirë, çuna të mirë se nuk na doni, nuk do ta bëjmë. Ne thjesht jemi fëmijë që rritemi. Meqë u vonuam në këtë drejtim, kemi histori të tmerrshme, kufizime të tmerrsh, e  dini që nuk jemi të gatshëm, por ja ju lutem konferenca e parë ndërqeveritare si në ditët e pagëzimit të fëmijëve kur u përkushtohen zotit. Dhe në konferenca ata na masin në pritje sikur po na japin gjithë shtëpinë. S’doni konferencë me ne, shumë mirë, një konferencë më pak për ne. Çfarë t’ju themi këtyre djemve, mos u shqetësoni, ne jemi me ju, ju nuk jeni me ne, jeni në Austri e Poloni. Nuk jeni me ne, nuk na duhet një gjë e tillë.Ata mund të bëjnë siç mendojnë, mund të bllokohen në mekanizmin e tyre të konsensusit, djema na vjen keq me ju, do ju mbështesim, mos u mërzisni, do ju mbështesim edhe pse jeni të mërzitur, keni një vend për tu zbavitur dhe ky vend është Ballkani Perëndimor.
Pra mos mendoni se jemi në depresion, jemi super.”- tha Rama./Opinion.al

 

Pas