Politikë

Integrimi/Ilir Meta: Është në dorën tonë nëse proçesi do zgjasë 5 apo 30 vite



Bëhu pjesë e Grupit Zyrtar të Opinion.al
>> KËTU <<
               Publikuar në : 13:31 - 19/07/22 |
Opi Nion

Presidenti Ilir Meta ka përshëndetur vendimin e Bashkimit Evropian për nisjen e proçesit të negociatave me Shqipërinë dhe Maqedoninë e Veriut.

Gjatë konferëncës për mediat, Meta tha se e sotmja është një ditë vendimtare për të ardhmen, një ditë kur duhet të ballafaqohemi me realitetin ashtu sic është.

Ndër të tjera ai u bëri thirrje qytetarëve të mos bien pre e fushatave që duan të minojnë rrugën tonë drejt BE-së, ndërsa institucioneve të kryejnë detyrat e nevojshme për të mbërritur sa më shpejt në destinacion.

Sipas presidentit Meta, procesi i antarësimit në BE është në dorën tonë që  të zgjasë 5 ose 30  vite.

“E sotmja është një ditë e shkëlqyer, një gur themeli për shqiptarët. Kjo tregon se rajoni jonë vazhdon të gëzojë mbështetjen evropiane. Ky është sinjal i qartë i mbështetjes. E sotmja është një ditë vendimtare për të ardhmen, një ditë kur duhet të ballafaqohemi me realitetin ashtu sic është. E vërteta është se kemi humbur shumë kohë. Kjo na zbulon të gjitha të metat, punët e bëra keq. Shqetësimet e Holandës, vërejtjet e Francës, apo të gjitha shqetësimet e shprehura në rezolutën e fundit të Parlamentin Europian, tregojnë se transformimi kërkon punë. U bëj thirrje qytetarëve të mos bien pre e fushatave që duan të minojnë rrugën tonë drejt BE-së. Rruga evropiane është e vetmja që garanton që shtëpia jonë e përbashkët të ketë atë begati, që qytetarët tanë e kërkojnë në Itali, Britani, Gjermani, etj. Iu bëj thirrje institucioneve të reflektojnë pa vonesë ndaj detyrave që kërkohen. Është në dorën tonë që ky proces të zgjasë 5, 30 apo më shumë vite”, tha Meta.

 

Pas