Aktualitet

Incidenti në Rinas, reagon Albawings : Ja çfarë ndodhi me avionin


Bëhu pjesë e Grupit Zyrtar të Opinion.al
>> KËTU <<
               Publikuar në : 15:53 - 08/10/18 |
b.f

Kompania Albawings ka sqaruar pozicionin e saj pas incidentit mëngjesin e sotëm në Rinas ku 135 pasagjerë humbën fluturimin e tyre drejt Firences. Siç bënë të ditur mediat, pasagjerët kanë zbritur të alarmuar, pasi nga avioni po dilte tym. Kompania thotë se ka patur një defekt teknik dhe pasagjerët do të shkojnë në destiancion me avionë të tjerë.

Deklarata e plotë e Albawings

Nëpërmjet kësaj deklarate dëshirojmë mbi të gjitha të shprehim keqardhjen e t’ju kërkojmë ndjesë për problemet dhe vonesat që ndodhën gjatë operimit sot. Për arsye të një problemi teknik që nuk varet nga vullneti i operatorit, e për sigurinë e pasagjerëve dhe stafit, ishte i domosdoshëm anullimi i një fluturimi e zëvendësimi i avionit i planifikuar për të operuar fluturimet e tjera.

Gjatë fazës së ngritjes së fluturimit Tirana – Firenze, fluturim i kompanisë Albaëings, operuar nga operatori ajror me liçence europiane Air Horizont, është sinjalizuar në panelin e kontrollit në kabinën e pilotit një problem në komandim dhe është ri-kthyer në vendqëndrim.

Sipas proçedurave standarte të sigurisë në aviacion, 135 pasagjerët e këtij fluturimi duhet të zbarkonin nga avioni në mënyrë që të vijojnte kontrolli teknikë.

Nga frenimi i menjëhershëm në pistën e ngritjes, për shkak të forcës së fërkimit është krijuar tym, i cili nuk ka ndodhur në kabinë, por jashtë në pistë.Teknika vendosi ndalimin e operimit të avionit për të kryer inspektimet e nevojshme.

Duke qënë se aeroporti i Firences nga tipologjia e specifikave të strukturës së pistës në ngritje/ulje është i ndryshëm nga aeroportet e tjerë e për rrjedhojë duhen avionë të licensuar për këtë tip aeroporti, fluturimi u anullua.
Të gjithë pasagjerët e fluturimit Tirana – Firenze, por edhe ata të prekur nga vonesat në fluturime do të mbrohen konform rregullores europiane EC 261/2004.

Kompania ka aktivizuar të gjitha burimet e nevojshme teknike dhe ekonomike duke gjetur zgjidhje për fluturimet e afektuara nga vonesat e të përmbushë detyrimin ndaj pasagjerëve, duke siguruar operimin e fluturimeve në kohën më të shkurtër të mundshme me avione të tjerë.

Lexo edhe

Anulohet fluturimi i Albawings, avioni pëson defekt para nisjes në Firenze

 

Pas