Aktualitet

Inceneratorët/Shehaj nxjerr rastin:Mori para nga shteti dhe u bë pronar në Mal të Zi



Bëhu pjesë e Grupit Zyrtar të Opinion.al
>> KËTU <<
               Publikuar në : 14:27 - 02/08/22 |
el ida

Partia e Lirisë ka nxjerrë sot dokumenta dhe fakte që sipas tyre hehdin dritë mbi të tjera veprime korruptive lidhur me aferën e inceneratorëve.

Ka qenë Brisida Shehaj, Koordinatore Kombëtare e Luftës kundër Korrupsionit e cila në një dalje për mediat tha ndër të tjera se dokumentet  në fjalë do t’ja vënë në dispozicion edhe ministres Balluku dhe kryeministrit Edi Rama, ndërsa kanë kërkuar nga SPAK të veprojë.

Shehaj ka sjellë rastin e një punonjësi, i cili i lidhur me inceneratorët ka marr para në Shqipëri dhe është bërë pronar në Malin e Zi.

“Bëhet fjalë për një punonjës që ka nisur karrierën e tij, E.B, i datëlindjes ‘93. Bëhet fjalë për 500 mijë euro të dhënë borxh për këtë punonjës. Më pas është kontrata e qirasë dhe ajo e revokimit që kjo kompani i jep tokën 8500 metra katror dhe më pas e revokojnë këtë kontratë.

Integrated Energy B.V. e shet tokën te ky punonjës në një vlerë 135 milion lekë. Më pas kemi një certifikatë pronësie. Kemi një prokurorë të përgjithshme në 22 shkurt dhe në 25 shkurt kur këtij i jepet e drejta të bëjë transkasione. Kemi prokurë që ky zotëria autorizon dy individë malazezë për të hapur një kompani në Mal të Zi. Zoti punonjës nga një punonjës i thjeshtë u bë pronar me tokë, mori para nga shteti dhe nga fondet e BE dhe del pronar në Mal të Zi”, tha Shehaj.

Më tej ajo pohoi se po i njëjti person ka fituar fond për ndërtimin e një sere e njëkohësisht i është dhënë e drejta të administrojë inceneratorin e Tiranës.

“Në AZHBR ka fituar një fond për ndërtimin e një sere. Kemi një prokurë ku i jepet e drejta të administrojë të gjithë inceneratorin e Tiranë. Në 1 prill autorizon dy individë për të hapur një kompani në Mal të Zi. Dhe në fund kemi një kontratë me kompaninë e Klodian Zotos”, deklaroi Shehaj.

Duke ju referuar kompanive që veprojnë në Malin e Zi, Shehaj tha se disponojnë të tjera dokumenta, ndërsa pohoi që me sa duket Kryeministri nuk di çfarë firmos.

“Ne kemi edhe dokumenta të tjera sidomos për pjesën e kompanive të hapura në Mal të Zi. SPAK të hapë regjistrin e noterëve, dhe do të  shohin jo vetëm këtë punonjës, por edhe të tjerë që kanë hapur kompani në Mal të Zi me prokura të posaçme të bëra në Shqipëri. Emrin nuk e bëjmë publik dhe do t’ja kalojmë SPAK, edhe ministres Balluku dhe kryeministrit Rama, që nuk di çfarë firmos”, tha ajo./Opinion.al

 

 

Pas