Pas shkarkimit të Shkëlqim Muçës nga posti i trajnerit. Tirana ka zgjedhur pasuesin e tij në stol. Trajneri i ri i Tiranës do të jetë Ilir Daja, trajner kampion me Dinamon dhe Elbasanin. Daja është prezantuar ditën e sotme nga Presidenti i SK Tirana, Refik Halili. Në fjalën e tij Daja u shpreh: “Unë nuk do t’ju premtoj shumë gjëra, pasi nuk kam shkopin magjik t’i ndryshoj gjërat për tri ditë. Fillimisht do të synojmë të fitojmë ndeshjen e radhës. Duhet të bëjmë të gjitha përpjekjet për të rikuperuar ato që janë humbur.Stafi teknik do të mbetet i njejtë, ndërkohë që do të kërkojmë të marrim një përgatitës atletik, por për këtë nuk do të nxitohemi se duam të përzgjedhim të duhurin, jo një sa për ta patur se duhet. Një tjetër problem është gjendja fizike e lojtarëve, por nuk kemi kohë të merremi me këtë komponent aktualisht. Do të mundohemi të menaxhojme gjendjen që kanë aktualisht futbollistët, pasi na duhet të përgatisim skuadrën për të fituar ndeshjet e radhës. Për të thenë të vërtetën nuk e di saktësisht se si është gjendja fizike e lojtarëve dhe ky është një tjetër problem”
