Aktualitet

Iku me anije/ Agron Shehaj 13 vjeç në faqet e Corriere Della Sera (FOTO)


Bëhu pjesë e Grupit Zyrtar të Opinion.al
>> KËTU <<
               Publikuar në : 15:00 - 06/03/21 |
Opi Nion

Ish-deputeti i Partisë Demokratike Agron Shehaj ka postuar një foto në llogarinë e tij në “Facebook” sot në 30-vjetorin e eksodit të shqiptarve drejt Italisë.

Në foto është Shehaj, 13-vjeç, i cili shkuan se është në një tren me shumë shqiptarë të tjerë, për të udhëtuar drejt veriut të Italisë ku do të shpërnguleshin për të jetuar.

Ai shkruan më tej se është kthyer në Shqipëri dhe tashmë është i plotësuar dhe i formuar.

Foto e Shehaj, e cila është mjaft interesante, mban sipër logon e Corriere della Sera.

“30 vjet më parë, vetëm 13 vjeç, bashkë me prindërit, ishim ndër të parët që mbërritëm me anije në Itali.

Në këtë foto jam duke udhëtuar në tren me shqiptarë të tjerë për t’u shpërndarë në veri të Italisë.

Italia m’u bë Atdheu i dytë. Aty u rrita, u maturova, u shkollova e mësova shumë.

U riktheva në Shqipëri në vitin 2005, pa para, por me një dashuri dhe dëshirë të zjarrtë për Shqipërinë. Dhe Shqipëria më dha gjithçka që mund të më jepte. Më dha mundësinë, edhe pse bashkë me të, erdhën edhe shumë vështirësi. Në Shqipëri gjeta jo vetëm suksesin, po mbi të gjitha gjeta qëllimin dhe përmbushjen njerëzore. Gjeta edhe dashurinë e jetës dhe krijova familjen time.

Ndaj në këtë përvjetor të eksodit shqiptar drejt Italisë, unë u jam më shumë se kurrë mirënjohës Shqipërisë dhe Italisë e ndihem më shumë se kurrë në borxh me të dyja. Gjithë jetën time do përpiqem t’u jap sa më shumë që të mundem! Veçanërisht Shqipërisë që ka më shumë nevojë se kurrë për të gjithë bijtë e saj, kudo që janë.”– shkruan Shehja./Opinion.al

Pas