Aktualitet

Ibrahimaj tregon si mund të investohet në bono thesari:Do nisim fushatë sensibilizuese



Bëhu pjesë e Grupit Zyrtar të Opinion.al
>> KËTU <<
               Publikuar në : 11:22 - 15/11/22 |
Opi Nion

Ministrja e Financave, Delina Ibrahimaj gjatë konferencës së përbashkët me kryeministrin Edi Rama foli lidhur me investimin në bonot e thesarit dhe për hapat që duhen ndjekur.

Ibrahimaj bëri me dije se do të ketë sportele në bankën e Shqipërisë si dhe një hapësirë në faqen e Ministrisë së Financave, në mënyrë që qytetarët të informohen për kushtet që duhen ndjekur.

Ndër të tjera, ministrja bëri me dije se do të fillojnë një fushatë ndërgjegjësuese ku do të shpjegohet si mund të investohet në bono thesari.

“Të flasim se si mund të ndërgjegjësojmë më mirë popullatën tonë për të investuar në titujt qeveritarë. Është një temë që nuk është prekur shumë pas normat e interesit nuk kanë qenë në nivelin që janë sot. Kemi folur për rritjen e energjisë elektrike, inflacionit dhe të gjitha masat që qeveria ka marrë për ndikimin e ekonomisë shqiptarë që ndikimi i luftës të ishte sa më i vogël. Nuk kemi prekur elementin e normave të interesit. Bankat qendrore që nga ajo e SHBA e ndjekur nga banka të tjera qendrore filluan të rrisin normat bazë të interesit. Edhe banka e Shqipërisë ka rritur normat e interesit. Në fillim kishte një normë bazë me 0.5, sot është 2.75%.

Arsyeja pse jemi sot këtu dhe jemi mbledhur të flasim për të nxitur investimin e individëve në titujt qeveritarë. Individët kanë sot një mundësi investimi që ka kthime më të larta se mundësi të tjera që ekzistojnë në tregje. Janë tituj që emetohen dhe garantohet nga qeveria shqiptare. Flasim për bono thesari. Ne sot do të fillojmë një fushatë ndërgjegjësuese që të shpjegojmë si mund të investohet në bono thesari. Në ndihmën tonë ka ardhur edhe banka qendrore që ka hapur sportelet në 6 qytete me qëllim tregtimin e bonove të thesarit dhe informimin për procedurat që duhen ndjekur. Nëse bonot e thesarit tre mujore kishin normë të ulët sot kanë një normë interesi, 2.78%.

Qeveria ka edhe tituj më afatgjatë dhe gjatë këtyre viteve ka punuar të rrisë maturitetin e tyre. Interesi nga tregu ishte shumë i lartë. Në faqen zyrtare të MF nga sot ka një seksion të detajuar për shpjegimin e bonove të thesarit dhe si qytetarët mund të investojmë. Do të vendosim sportel për edukim më të mirë financiar. Po punojmë me një strategji kombëtare pasi është shumë e rëndësishme që individët të kenë një kulturë të menaxhimit të parasë pasi është e vetmja formë që të kujdesen për financat familjare dhe të jenë investitorë të zotë”, deklaroi Ibrahimaj./Opinion.al

 

Pas