Kronikë

I shumëkërkuar nga Shqipëria dhe Interpoli, arrestohet në Lezhë 40-vjeçari


Bëhu pjesë e Grupit Zyrtar të Opinion.al
>> KËTU <<
               Publikuar në : 09:45 - 01/04/20 |
el ida

Një 40-vjeçar, i cili ishte shpallur në kërkim ndërkombëtar u arrestua nga policia e Lezhës në një operacion të koduar “Godull 2020” ku u përfshinë policia Lezhë, Kurbin, RENEA dhe Interpol Tirana.

Operacioni u zhvillua në kushte të larta sigurie në orët e para të mëngjesit, në fshatin Godull, ku forcat rrethuan banesën e 40 vjeçarit, A. J. alias A. Zh, duke bërë të mundur edhe prangosjen e tij.

40-vjeçari ishte person i shpallur në kërkim kombëtar nga për veprat penale “Vrasja me paramendim e mbetur në tentativë”, “Armëmbajtja pa leje” dhe “Kundërshtim i punonjësit të policisë së rendit publik”.

Gjithashtu, ai ishte shpallur në kërkim ndërkombëtar, pasi Gjykata e Romës, Itali, i ka caktuar masën e sigurisë “Arrest në burg”, për veprat penale “Grabitja me armë ”, “Plagosja” dhe “Armëmbajtja pa leje”./Opinion.al

Pas