Aleksandër Frangaj, Drejtori i Përgjithshëm i Televizionit Klan ka cilësuar si një nga shkaqet kryesore të humbjes së PD-së, bashkëpunimin me LSI.
Duke ju referuar sondazheve, Frangaj tha se Ilir Meta rezultonte personazhi më i papëlqyer në Shqipëri.
“Për sa kohë Basha ishte partner me Metën, nuk kishte asnjë shans të merrte vota. Strategjia e Ramës ka ardhur si rezultat i sondazheve, ku njeriu me negativitetin më të madh ishte Ilir Meta, me 80% negativitet. Lulzim Basha nuk dilte negativ. Basha si individ kishte një pëlqyeshmëri, por jo negativitet të skajshëm si Ilir Meta dhe Monika Kryemadhi. Dhe gjithë strategjia e Ramës, që e dinte që kishte një kovë me… s’po ja them emrin, u përpoq dhe i bëri bashkë: Vota për Lulin është votë për këtë kovën me mut. Dhe një pjesë e shqiptarëve nuk guxuan ta votonin dhe thanë: Do t’ja jepja votën Lulit, po të mos ishte dhe Monika. Këtë quaj mosfitoren e PD. Shumë njerëz, jo partizanë na kanë thënë: Do ta votoja Lulin, do ta votoja Fred Rushajn, do të votoja Jorida Tabakun, personazhe me pozitivitet, por nuk e votoj se është Monika”, u shpreh Frangaj.
Në emisionin “Opinion”, Frangaj përmendi edhe një sondazh të realizuar nga kompania e njohur “Trafalgar” për llogari të TV Klan, por të papublikuar, i cili që në shkurt dhe mars, e nxirrte Partinë Socialiste fituese.
Frangaj tha se në këtë sondazh, pëlqyeshmëria e qytetarëve për Ramën ishte më e lartë se sa për Bashën.
“TV Klan ka bërë dy sondazhe në shkurt dhe mars dhe në të dy sondazhet ishte ky rezultat që kemi sot, kokë më kokë. Zgjedhjet i ka fituar Partia Socialiste. PD nuk e mundtte dot PS. Në sondazh Edi Rama është shumë pikë mbi kryetarin e PD, si pëlqyeshmëri publike. Atëherë, si mundet një kryetar i opozitës që ka pëlqyeshmërinë individuale më të madhe se kryetari i mazhorancës…Nëse je më pak i pëlqyer nga publiku shqiptar, atëherë si do ta mundësh?- tha Frangaj./Opinion.al
