Aktualitet

Hapet për qarkullimin e mjeteve nyja e TEG-ut



Bëhu pjesë e Grupit Zyrtar të Opinion.al
>> KËTU <<
               Publikuar në : 12:43 - 03/09/22 |
Opi Nion

Është hapur  këtë paradite për qarkullimin e automjeteve nyja e TEG-ut, një aks rrugor që parashikohet të lehtësojë hyrjet dhe daljet në kryeqytet në krahun e tij lindor.

Lajmi është bërë i ditur nga kryeministri Rama, i cili ndodhej në hapjen e këtij aksi së bashku me ministren Balluku. Kjo e fundit tha se ky aks do të shkurtojë kohën e aksesimit në të gjitha degët e unazës së madhe.

“Hapet para afatit me një sistem të ri kalimesh një nga portat hyrëse dhe dalëse më të rëndësishme të kryeqytetit. Kjo vepër e re infrastrukturore çliron ngërçin e madh të krijuar nga rritja e ndjeshme e trafikut dhe garanton lëvizjen e pandërprerë të automjeteve në autostradën Tiranë – Elbasan, duke krijuar mundësinë për hyrje-dalje nga autostrada Tiranë–Elbasan për Unazën e Madhe të Tiranës, si edhe hyrje-dalje nga autostrada Tiranë–Elbasan për zonën e banuar në Kodrat e Saukut dhe fshatrat Baldushk e Petrelë”, shkruan Rama në Facebook./Opinion.al

Pas