Bota

Hapet “Kutia e Pandorës”: Zbulohet pasuria dhe marrëdhëniet e liderave botërorë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:02 - 03/10/21 |
Opi Nion

Pasuria dhe marrëveshjet e fshehta të udhëheqësve botërorë, politikanëve dhe miliarderëve janë zbuluar në një investigim të gazetarëve ndërkombëtarë investigativë (ICIJ) dhe një grupi prej 150 mediash.

Kjo është një prej rrjedhjeve më të mëdha të dokumenteve financiare. Sipas mediave të huaja janë rreth 35 liderë, të shkuar dhe aktualë, dhe më shumë se 300 zyrtarë që shfaqen në dokumentet  në kompani offshore.

Të quajtura Pandora Papers, në to zbulohet se Mbreti i Jordanisë ka prona me vlerë 70 milionë paund në Britaninë e Madhe në SHBA. Dokumentet tregojnë se ish-Kryeministri britanik, Tony Blair dhe bashkëshortja e tij, kursyen 312 mijë paund kur blenë një zyrë në Londër. Çifti bleu një firmë offshore që kishte në pronësi ndërtesën.

Zbulohet gjithashtu se Presidenti rus Vladimir Putin ka asete sekrete në Monako, dhe Kryeministri çek Andrej Babis, i cili ishte përballë zgjedhjeve këtë javë –  nuk deklaroi një kompani investimesh offshore të cilën e përdori për të blerë dy vila për 12 milionë paund në jug të Francës.

Këto dokumente vijnë në vrazhdën e një serie rrjedhjesh përgjatë 7 viteve të fundit, pas FinCen Files, Paradise Papers, Panama Papers dhe LuxLeaks.

Ekzaminimi i këtyre dokumenteve është më i madhi i organizuar ndonjëherë më parë nga Konsorciumi Ndërkombëtar i Gazetarëve Investigativë. Në të po marrin pjesë më shumë se 650 reporterë.

Gjigandi britanik BBC shkruan se në hetim të përbashkët me britaniken Guardian dhe partnerë të tjerë mediatikë, kanë pasur qasje në gati 12 milionë dokumente dhe dosje nga 14 kompani të shërbimeve financiare në vende si: Ishujt e Virgjër Britanikë, Panama, Belize, Qipron, Emiratet e Bashkuara Arabe, Singaporin dhe Zvicra.

Disa figura tashmë po përballen me akuza për korrupsion, pastrim parash dhe shmangie globale të taksave.

Por një nga zbulimet më të mëdha është se sa njerëz të njohur dhe të pasur kanë krijuar kompani offshore për të blerë fshehurazi prona në Mbretërinë e Bashkuar.

Dokumentet zbulojnë mijëra pronarë që kanë investuar fshehurazi duke shmangur taksat. Presidenti i Azerbajxhanit Ilham Aliyev dhe familja e tij, të cilët janë akuzuar për vjedhje të vendit të tyre, janë një shembull. Hetimi zbuloi se Aliyev dhe bashkëpunëtorët e tij të ngushtë ishin përfshirë fshehurazi në marrëveshje pronësie në Mbretërinë e Bashkuar me vlerë më shumë se 400 milionë £.

Dokumentet financiare tregojnë se si mbreti i Jordanisë ngriti fshehurazi një perandori pronash në Mbretërinë e Bashkuar dhe SHBA me vlerë më shumë se 70 milionë £ (mbi 100 milion dollarë). Ata identifikojnë një rrjet kompanish në Ishujt e Virgjër Britanikë dhe parajsa të tjera tatimore të përdorura nga Abdullah II bin Al-Hussein për të blerë 15 shtëpi që kur ai mori pushtetin në 1999.

Ato përfshijnë 50 milion £ në tre prona me pamje nga oqeani në Malibu, në California, dhe prona në Londër dhe Ascot në Mbretërinë e Bashkuar.

Pas