Rajoni

Gruevski, asgjë e re nga dokumentet shqiptare sipas prokurorisë


               Publikuar në : 16:11 - 21/05/19 |
Al Do

Shefja e Prokurorisë për Krimin e Organizuar dhe Korrupsion, Vilma Ruskovska, ka deklaruar për gazetën Fokus, se dokumenti nga që është paraqitur nga pala shqiptare nuk paraqet ndonjë fakt të ri për arratisjen e Nikolla Gruevskit.

Sipas prokurores, këto janë informacione që tashmë Prokuroria për Krime të Organizuara dhe Korrupsion i ka dhe ka shtuar se sipas saj pala shqiptare ende nuk ka dhënë informacion se si Gruevski ka hyrë në territorin shqiptar.

E kam analizuar, por nuk arrita të gjejë asgjë informacion të ri që do të na hynte në punë. Shkruan se në cilin vendkalim kufitar ka kaluar Gruevski dhe si ka hyrë në Mal të Zi, të njëjtat informacione kishim pranuar tashmë nga Mali i Zi. Shqipëria nuk e ka zbuluar atë që ne e kemi kërkuar, se si ka hyrë në shtetin shqiptar ish-kryeministri. Gjithashtu nuk ka ndonjë informacion, as filmim, për hotelin në të cilin ka qëndruar Gruevski”, ka deklaruar Ruskovska.

Për arratisjen e Gruevskit deri tani në prokurori kanë dhënë dëshmi vetëm truprojat e ish-kryeministrit dhe disa dëshmitarë. Nikolla Gruevski vitin e kaluar u arratis nga Maqedonia e Veriut për të mos vuajtur dënimin me dy vjet burg të dhënë nga gjykata.

Ai u arratis për në Budapest të Hungarisë duke kaluar nga Shqipëria, Mali Zi dhe Serbia. Për momentin ish-kryeministri maqedonas gëzon azil politik në shtetin Hungarez. /Opinion.al

Pas