Politikë

“Gridare ohoho”, Duma i përgjigjet Ramës: Njeri në panik


Bëhu pjesë e Grupit Zyrtar të Opinion.al
>> KËTU <<
               Publikuar në : 13:43 - 10/03/21 |
Opi Nion

Ish-deputetja e PD-së Grida Duma i është përgjigjur deklaratave të kryeministrit Edi Rama ditën e sotme gjatë aktivitetit të prezantimit të kandidatëve të PS.

Duma e konsideroi Rama një njeri në panik, një njeri që s’ka asgjë për të ofruar veç sulmeve.

“Nuk ka asgjë për të ofruar veç sulmeve, ka dështuar. Pas 8 vitesh dështime. Pas 8 vitesh që Shqipëria ka mbetur në vendnumëro me Ramën,  të gjithë shqiptarët e dinë tashmë se ata që kanë dështuar për 8 vite nuk do të kenë sukses edhe nëse u jepen 4 vite të tjera. Sot të gjithë ne pamë një njeri në panik.  Një njeri që s’ka asgjë për të ofruar veç sulmeve.  Është për të të ardhur keq.  Së bashku ne do të sjellim ndryshim për Shqipërinë. Një ndryshim për të cilin kanë nevojë të gjithë qytetarët shqiptarë. Ndryshimi që na nevojitet pas 8 vitesh gjatë cilave Shqipëria ka ngecur në të gjitha fushat. Së bashku do të sjellim ndryshim dhe Shqipëria do të fitojë.’- deklaroi Duma.

Kryeministri Edi Rama teksa vendosi përballë kandidatët për deputetë në Kavajë tha “me kë fiton Kavaja. Me njërin që ka bërë një rrugëtim pa i ndarë tubimet dhe nuk pranoi asnjë post për të shkuar në Harvard, dhe përballë tij gridare, gridare, gridare ohoho./Opinion.al

 

 

Pas