Rajoni

Greqia u hap dyert turistëve, heq karantinën për këto shtete


Bëhu pjesë e Grupit Zyrtar të Opinion.al
>> KËTU <<
               Publikuar në : 11:17 - 15/04/21 |
Opi Nion

Greqia ka vendosur të hapë kufijtë për turistët duke filluar nga 19 prilli. Do të hiqet karantina për udhëtarët e Bashkimit Europian dhe për 5 shtete të tjera që nuk janë pjesë e unionit, qytetarët e të cilëve, për t’u futur në Greqi do të duhet të kenë një test negativ të Covid-19, ose të jenë vaksinuar.

Sipas këtij vendimi, qytetarët e BE, ashtu sikurse ata nga SHBA, Mbretëria e Bashkuar, Serbia, Izraeli dhe Emiratet e Bashkuara Arabe, do të lejohen të futen të territorin grek pa pasur nevojë për t’u karantinuar.

Kështu, udhëtarët nga BE plus këto pesë vende do të jenë në gjendje të hyjnë në Greqi përmes nëntë aeroporteve dhe menjëherë mund të bëjnë pushimet e tyre pa karantinë , gjithmonë me kusht që ata të kenë një certifikatë nga autoriteti kompetent i vendit të tyre që janë vaksinuar ose një test molekular negativ të 72 orëve të fundit.

Nëntë aeroportet në të cilat do të zbatohet kjo marrëveshje janë ato në Athinë, Selanik, Heraklion, Chania, Rodos, Kos, Mykonos, Santorini dhe Korfuz. Për më tepër, të njëjtat kushte do të zbatohen për ata që vijnë në vend me rrugë përmes dy portave kryesore të tij kufitare.

Por, të gjithë turistët do të jenë të detyruar që nga momenti që ndodhen në Greqi, t’i përshtaten masave kufizuese të marra nga ky shtet./Opinion.al

Pas