Kronikë

Grabitën bankën në Koplik, hajdutët dogjën makinë e tyre dhe u arratisën me…


Bëhu pjesë e Grupit Zyrtar të Opinion.al
>> KËTU <<
               Publikuar në : 15:43 - 09/05/22 |
Opi Nion

Të tjera detaje janë bërë të ditura lidhur me grabitjen e një banke të nivelit të dytë në Koplik. Sipas policisë, disa persona ende të paidentifikuar kanë vjedhur nën kërcënimin e armës një shumë parash dhe më pas ato janë larguar nga vendi i ngjarjes me një automjet “Volkswagen”.

Mësohet se ata kanë djegur automjetin më të cilin janë larguar nga banka dhe nën kërcënimin e armës i kanë vjedhur automjetin tip “Benz” një qytetari të rastit.

Policia ka nisur punën për identifikimin dhe kapjen e autorëve të ngjarjes.

Rreth orës 14:10, jemi njoftuar se disa persona të paidentifikuar kanë vjedhur, nën kërcënimin e armës, një shumë parash në filialin e një banke të nivelit të dytë, në Koplik, Malësi e Madhe, dhe më pas janë larguar me një mjet tip “Volkswagen”, të cilin e kanë djegur në dalje të qytetit. Personat, ende të paidentifikuar, pasi kanë djegur automjetin e tyre, kanë vjedhur nën kërcënimin e armës, një automjet tjetër tip “Benz” të një qytetari të rastit dhe janë larguar.

Shërbimet e Policisë janë vënë në ndjekje të autorëve. Në ndihmë të Policisë lokale janë nisur shërbimet e Drejtorisë Vendore të Policisë Shkodër dhe grupe të FNSH Shkodër.

Gjithashtu janë ngritur pika kontrolli, me qëllim identifikimin dhe kapjen e autorëve.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, po punon për zbardhjen e ngjarjes dhe sqarimin e plotë të rrethanave të saj”,-njoftoi policia./Opinion.al

Pas