Aktualitet

Gjykata Kushtetuese vendos: Jo burg për prostitutat


Bëhu pjesë e Grupit Zyrtar të Opinion.al
>> KËTU <<
               Publikuar në : 00:33 - 01/12/15 |
b.f

Gjykata Kushtetuese i thotë “jo” dekriminalizimit të veprës penale të ushtrimit të prostitucionit. Gjykata e Lartë kishte kërkuar disa kohë më parë shfuqizimin e paragrafit të parë të nenit 113 të Kodit Penal, që parashikon dënimin nga gjobë deri në 3 vjet burg për çdo person që ushtron prostitucion, si të papajtueshëm me Kushtetutën.
Sipas gjykatës supreme, ky nen diskriminon femrat në raport me meshkujt. Për Gjykatën Kushtetuese, kërkesa është e pabazuar, pasi neni në fjalë nuk cenon barazinë gjinore. “Neni 113 i KP­së nuk përmban diferencim në përcaktimin ligjor, pasi dënon autorët e prostitucionit, që mund të jenë femra ose meshkuj.

Për më tepër, dispozita dënon subjektet, kategorinë e meshkujve/femrave që ushtrojnë prostitucion me vullnet të lirë”, thuhet në vendimin e Gjykatës Kushtetuese.
Më tej, Kushtetuesja arsyeton se “asnjë nga palët në gjykim nuk paraqiti të dhëna për të argumentuar se viktimat e prostitucionit mbrohen më mirë me dekriminalizimin e kësaj vepre penale ose me përcaktimin e kësaj vepre si kundërvajtje administrative”.

KOMENTO (0)

Shkruaj nje koment

    Pas