Kronikë

Gjykata vendos masën e sigurisë për Viktor Markun


Bëhu pjesë e Grupit Zyrtar të Opinion.al
>> KËTU <<
               Publikuar në : 10:49 - 23/06/20 |
Al Do

Gjykata e Tiranës vendosi masën e sigurisë arrest me burg për Viktor Markun, i dyshuar për ekzekutimin e Hekuran Billës në 11 qershor në zonën e Komunës së Parisit.

Marku refuzoi pjesëmarrjen në krim, ndërsa ka deklaruar se ditën e vrasjes ai ka qenë në Mal të Zi.

Avokati i tij Ilir Murati pretendoi se klienti i tij është arrestuar pa urdhër ndalimi. Sipas tij, nga sistemi TIMS rezulton se Marku ndodhej në Mal të Zi që prej muajit Janar.

Viktor Marku u arrestua në Malin e Zi dhe tentoi të largohej prej andej me një identitet tjetër. Autori i dyshuar është vëllai i Prel Markut, i vrarë nga Billa në vitin 2006 në Angli. Për vrasjen e Markut dhe plagosjen e tre personave të tjerë, gjykata angleze e kishte dënuar Billën me burgim të përjetshëm.

Në funksion të dosjes hetimore janë analizuar pamjet nga 38 kamera sigurie pranë zonës. Organi i akuzës ka dyshime se Viktor Marku shfaqet në një moment në kamera teksa zbret nga makina Smart, marrë me qira dhe ngjitet në automjetin ‘Mercedez Benz’ i vjedhur në Shkodër që u përdor në atentat. Prokuroria thotë se në makinë është ngjitur dhe një person i dytë.

Sipas sistemit TIMS, Marku rezulton të ketë dalë nga Shqipëria nga pika e Muriqanit për në drejtim të Malit të Zi, në 19 janar 2020, por një dëshmitar thotë se Viktor Marku gjatë ketyre muajve ka qënë në Shkodër pasi mori me qira në biznesin e tij një makinë ‘Smart’.

Sipas dëshmisë makinën Marku ia ka lënë nipit të tij, Sebastjan Mali, gjithashtu i arrestuar si bashkëpunëtor në vrasje.

Sa i takon nipit të Markut, avokati tha se ai është një student i shkëlqyer i Juridikut.

Dy ditë më parë Gjykata la në burg Sebastian Malin, edhe pse ai ka mohuar pjesmarrjen e tij në vrasjen e Billës, duke thënë se policia po e akuzon vetëm për shkak të gjakmarrjes dhe armëmbajtjes pa leje. /Opinion.al

Pas