Kryetari i Partisë Demokratike Lulzim Basha e ka cilësuar një test garën për kreun e partisë në zgjedhjet e 13 Qershorit. Përmes një statusi në Facebook, Basha sërish shprehet se zgjedhjet e përgjithshme në vend u vodhën nga Kryeministri Rama, ndërsa shkruan se demokratët do të zgjedhin të bashkuar betejën kundër atij që ai e quan regjimi Rama- Doshi.
“Kjo garë është testi i parë pas vjedhjes së zgjedhjeve nga Rama: do vazhdojmë të luftojmë më gjithë forcën tonë, apo do lejojmë Ramën të realizojë planin e tij dhe ta dobësojë opozitën.
Përgjigja jonë do të jetë e qartë: do zgjedhim që të vazhdojmë të bashkuar betejën kundër regjimit Rama-Doshi. Do të vazhdojmë të luftojmë me gjithë forcën tonë. Dhe do të fitojmë”, shkruan Basha./Opinion.al
