Ishulli i Sazanit është përfshirë në flakë që prej mesditës së sotme. Siç mund të shihet edhe në foto zjarri është i përmasave të mëdha.
Flakët po djegin pjesën lindore të ishullit dhe vendin e quajtur “Plazhi i gjeneralit”, duke djegur pisha që arrijnë deri 20 m të larta dhe shkurre.
Mësohet se forcat e Rojës bregdetare si dhe Administrata e zonave të mbrojtura po punojnë për shuarjen e flakëve.
Kjo është hera e dyta brenda pak ditësh që ishulli i Sazanit përfshihet nga flakët, ndërsa ende nuk dihen shkaqet e rënies së zjarrit./Opinion.al
