Aktualitet

Foto/ 57-vjeçari u vra në Fier, kishte konflikt me një subjekt të OFL


Bëhu pjesë e Grupit Zyrtar të Opinion.al
>> KËTU <<
               Publikuar në : 08:39 - 24/10/21 |
Opi Nion

Ky është 57-vjeçari Demir Backa i cili u qëllua mbrëmjen  së shtunës në qytetin e Fierit. Ai  ka ndërruar jetë pak minuta më vonë në spital, si pasojë e plagëve të marra.

Policia gjeti të djegur në periferi të qytetit një automjet tip “Mercedes” brenda të cilit edhe dy armë, një kallashnikov dhe një pistoletë si dhe 16 gezhoja.

Viktima është vëllai i Medi Backës, një prej viktimave të masakrës së Levanit në vitin 1997.

Backa njihej në Fier si biznesmen dhe pronar i një lokali. Policia po heton mbi të shkuarën e biznesmenit Backa, ndërsa dyshimet e para flasin për një vrasje të lidhur me hakmarrjen.

Mësohet se disa kohë më parë, Backa ka qenë në konflikt me një tjetër person në qytetin e Fierit, subjekt i OFL.

 

Njoftimi nga policia

Sot rreth orës 20:40, në vendin e quajtur “Rrethrrotullim i QTU_së”, dyshohet se nga një automjet tip “Benz” është qëlluar me armë zjarri shtetasi D. B. 57 vjeç, i cili ishte brenda automjetit të tij tip “Audi” dhe si pasojë e plagëve të mara ka ndërruar jetë në spitalin e Fierit.

Menjëherë shërbimet e Komisariatit të Policisë Fier, Forca e Posacme “Shqiponja” dhe 2 grupe te FNSH kanë shkuar në vendngjarje dhe po krehin zonën për kapjen e autorit.

Ndërkohë janë ngritur disa pika kontrolli në hyrje dhe dalje të qytetit të Fierit. Në fshatin Daullas është gjetur e djegur një makinë tip “Benz” e cila dyshohet se është e autorëve të ngjarjes.

Grupi hetimor nën drejtimin e Prokurorisë ndodhet në vendngjarje dhe po punon për identifikimin dhe kapjen e autorit/ve./Opinion.al

Pas