Ish-kryeministri Sali Berisha ka reaguar pas deklaratave që kryeministri Edi Rama bëri ditën e sotme në seancën plenare për çështjen e Kosovës.
Gjatë fjalës së tij, Berisha tha se fjalimi i kryeministrit ishte shkruar në zyrën e Vuçiçit.
Ai thekson se ky fjalim kishte si qëllim kryesor që në prag të Samitit të Procesit të Berlinit në Tiranë të portretizonte si djall me zile kryeministrin e Kosovës.
Ndër të tjera, Berisha thekson se fjalimi i Ramës ka si synim që të bllokojë çdo përpjekje për të bërë hap pozitiv në përparim të klimës mes Serbisë dhe Kosovës.
“Sot zonja kryetare nderove në mënyrë hipokrite deputetë të PD. Ke përjashtuar 8 deputetë në çdo shkelje të ligjit dhe normave, me arbitraritetin e padronit tënd si skllave e tij. Sot jam këtu për të denoncuar përsëri atë që populli i Kosovës e quan vëllai i Vuçiçit. Analistë pro perëndimor e quan Pashiqi, apo dhe argati i Vuçiçit dhe Beogradit. E denoncoj sot se në një kohë kur u arrit një konsensus për një rezolutë, ai lexoi këtu një fjalim të shkruajtur fjalë për fjalë dhe rresht për rresht në Beograd.
Sot kreu juaj kishte ndërruar fjalëshkruesin. Fjalimi që lexoi para jush, është fjalimi i shkruar në zyrat e Aleksandër Vuçiç. Ky fjalim kishte qëllim kryesor në prag të Samiti të Procesit të Berlinit në Tiranë të portretizonte si djall me zile kryeministrin e Kosovës. Kishte qëllim që të mbronte padronin e tij, serbomadhin Vuçiç. Kishte qëllim që të bllokonte çdo përpjekje për të bërë hap pozitiv në përparim të klimës mes Serbisë dhe Kosovës, të krijuar klimë konflikti pas agresionit të grupeve terroriste të dërguar nga Serbia. A e shihni pra se si u përdor sot kjo platformë. Unë i garantoj shqiptarët se Rama vazhdon si çdo ditë si argat i Vuçiçit, projektin për ndarjen e Kosovës”, tha Berisha./Opinion.al
