Kryesore

Fatos Nano në PS? Rama flet për hapjen e partisë


Bëhu pjesë e Grupit Zyrtar të Opinion.al
>> KËTU <<
               Publikuar në : 18:43 - 09/10/20 |
Al Do

Kryeministri Rama ka folur pas mbledhjes së Asamblesë Kombëtare për hapjen e partisë socialiste.

Ai deklaroi për mediat se Partia Socialiste ka tre punë kryesore për të bërë, ku një ndër to ishte edhe hapja e partisë.

Së pari kemi vazhdimin e punë në komunitete dhe vlerësimin e të gjithë anëtarëve të Partisë Socialiste tre herë. Njëherë do e lëmë pak fleksibël për të përshirë të gjithë në nëntor. Njëherë në janar dhe njëherë në shkurt në platformën që kemi krijuar për familjen tonë politike. Pastaj kemi vlerësimin për ministrat dhe tani hapim derën për këdo që ka arsye që të shprehë interesin për të qenë deputet i PS.”, tha Rama.

Më herët u raportuar se kryeministri kishte kërkuar që kryesia të mos ndryshohej ndërsa për mediat ai tha se shtrirja e mandatit për kryesinë aktuale do të bëhet për një vit.

“Ne kemi një task forcë që funksionon në kohë reale për drejtuesit e qarqeve, kryesia është gjendja e fundit që më shqetëson, shtrirja e mandatit do të përmirësojë shërbimin për qytetarët. Nuk është çështje hatër mbetjesh por çështje fokusi”, shtoi Rama.

I pyetur për mundësinë e një rikthimi të ish-kryeministrit Fatos Nano në Partinë Socialiste si deputet, Rama u përgjigj duke thënë se ai nuk ka nevojë të kandidojë.

Fatos Nano nuk ka nevojë të kandidojë, ai është lideri historik i Partisë Socialiste dhe ka dhënë kontributin e tij siç tani jep me zemërgjerësi këshillat ku është nevoja, si do të bëj edhe unë kur të mos jem më kreu i PS.”, u shpreh Rama./ Opinion.al

Pas