Bota

Europa goditet nga uragani “Leslie”


Bëhu pjesë e Grupit Zyrtar të Opinion.al
>> KËTU <<
               Publikuar në : 13:04 - 14/10/18 |
b.f

Teksa Florida po përballet me shkatërrimet dhe dëmet si pasojë e uraganit “Michael”, Europa po kërcënohet nga stuhia post-tropikale “Leslie”.

Spanja dhe Portugalia janë dy vendet e goditura deri tani nga uragani. I gjithë rajoni do të përballet me erëra të forta dhe rreshje shiu. Uragani “Leslie” ka goditur pjesën qendrore dhe veriore të Portugalisë.  Dëmet llogariten 300,000 shtëpi pa energji elektrike.

Zyrtarët e mbrojtjes civile thanë se 27 persona pësuan lëndime të lehta. Qindra pemë u rrëzuan, disa rrugë u bllokuan dhe shumë fluturime u anuluan. Rreth 1,900 incidente u raportuan në shërbimet emergjente, megjithëse komandanti i mbrojtjes civile Luis Belo Costa tha se “rreziku më i madh ka kaluar”.

Agjencia Meteorologjike në Spanjë deklaroi se “Leslie” po lëvizte në veri-lindje të vendit,  dhe pavarësisht dobësimit, rreshjet e shiut dhe erërat e forta do të ishin prezente deri mbrëmjen e së dielës. Katër departamente në Francën jugore gjithashtu janë vënë në gatishmëri për stuhitë dhe përmbytjet.

Uragani “Leslie” u formua më 23 shtator, por u zvogëlua në një stuhi tropikale përpara se të godiste Portugalinë.

Pas