Aktualitet

Emri/ Prokuroria i sekuestron 6 milionë euro pasuri biznesmenit në Tiranë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:46 - 09/02/21 |
Doriana Çepunaj

Prokuroria e Tiranës ka sekuestruar 6 milionë euro pasuri në pronësi të shtetasit Alban Xhepa. Në njoftimin zyrtar bëhet me dije se janë sekuestruar 10 automjete, nga të cilat 4 Mercedes-a, 2 Range Rover, 1 Audi A7, 1 Smart, 1Jaguar, 1 Land Rover, 3 njësi sipërfaqe toke, 1 apartament, 5 dyqane, llogari bankare dhe 4 biznese të cilat dyshohet se janë vënë nga veprimtari kriminale dhe pastrimi parash.

Sipas prokurorisë, Alban Xhepaj kishte në administrim kompani të ndryshme dhe kryente veprimtari të pastrimit të produkteve të veprës penale. Hetimet kanë filluar pas marrjes së informacioneve përkatëse nga Drejtoria Vendore e Policisë, Tiranë ndërsa në bashkëpunim me Drejtorinë e Pergjitheshme të Parandalimit dhe te Pastrimit te Parave, është bërë e mundur bllokimi fillestar i një sasie relativisht të madhe monetare të Alban Xhepës, i cili rezulton të jetë i dënuar 3 herë në Itali për drogë, falsifikim e krime kundër personit.

“Prokuroria Pranë Gjykatës së Shkallës së Parë, Tiranë, ka kryer hetime për veprën penale të “Pastrimit te produkteve te vepres penale ose veprimtarise kriminale”, parashikuar nga neni 287 i Kodit Penal, për shtetasin A. Xh dhe ka arritur të sekuestrojë një numër të madh pasurish të luajtëshme dhe të paluajtëshme. Hetimet kane filluar pas marrjes së informacioneve përkatëse nga Drejtoria Vendore e Policisë, Tiranë. Sipas informacionit fillestar i dyshuari A. Xh, kishte në administrim kompani të ndryshme dhe kryente veprimtarinë e pastrimit të produkteve të veprës penale. Në bashkëpunim me Drejtorinë e Pergjitheshme të Parandalimit dhe te Pastrimit te Parave, është bërë e mundur bllokimi fillestar i një sasie relativisht të madhe monetare të këtij shtetasi. Hetimi ka zbuluar se nga ana e përfaqësuesve të subjekteve që kanë përfituar fonde nga Qipro me dërgues shoqërinë ‘Tripdale Limited’ është kërkuar që fondet të mos kreditohen në llogari të tyre për shkak se dërguesi kërkon kthimin e fondeve.

Në këtë mënyrë është hetuar për llogaritë në bankën ‘ISP’ të shoqërive ‘GoITradeIInternational’, ‘Eni Gjika’, ‘International Marketing Solutions Global’, ‘Avni Vila’,‘IrdiLika’, ‘Migena Ballabani’ dhe ‘Gerald Beno’. Per hetimin e çështjes është bashkepunuar dhe me autoritetet e huaja, ku pas përgjigjes së ardhur pas kërkesës së bërë nga ana jonë për ndihmë juridike rezulton se i hetuari A. Xh, rezulton të jetë dënuar 3(tre) herë në shtetin Italian për veprat penale në fushën e Narkotikeve, Fallsifikimit si dhe të krimeve kundër personit”, thuhet në njoftimin e Prokurorisë./Opinion.al

Pas