Në 10 të punësuar në Shqipëri, gati gjashtë prej tyre janë tëvetëpunësuar ose punojnë në biznesin e familjet. Në mungesë të alternativave të tjera, më shumë se gjysma e të punësuarve në Shqipëri janë vetëpunësuar ose janë të angazhuar në sipërmarrjet familjare.
Sipas të dhënave nga Eurostat, norma e tëvetëpunësuarve dhe e të punësuarve në bizneset familjare përbën 55.9% e tëpunësuarve në Shqipëri. Kjo është norma më e lartë në rajon, ku përqindja e të vetëpunësuarve në Shqipëri është mbi 20 pikë përqindje më e larte, por edhe në BE.
Në vendet e Bashkimit Europian, norma e të vetëpunësuarve dhe e të punësuarve në bizneset familjare është 14.6%, ndryshe një në 7 të punësuar, ndërsa pjesa më e madhe e forcës punëtore (85.3%) ishte punësuar me pagesë.
Vetëpunësimi është tregues i një ekonomie pak konkurruese, me produktivitet dhe vlerë tështuar të ulët.
Në analizën që ka bërë Eurostat shkruhet se trendet e vetëpunësimit në BE kanë qenë në rënie gjatë periudhave me rritje ekonomike dhe kanë qenë në rritje në kushtet e vështira ekonomike, pasi tipar i ekonomive ku mbizotëron vetëpunësimi është se ato janë ekonomi më pak konkurruese.
Eurostat thekson se struktura e punësimit sipas statusit të punës është thuajse e ndryshme nëvendet që duan të anëtarësohen në BE, ku bën pjesë dhe Shqipëria.
Sipas “Monitor” pas Shqipërisë, e cila përllogarit më shumë se gjysmën e tëpunësuarve si të vetëpunësuar, renditet Turqia. Sipas publikimit të Eurostat, një në tre të punësuar në Turqi është i vetëpunësuar ose punon për familjen. Në Kosovë dhe në Serbi një e katërta e të punësuarve janë të vetëpunësuar. Ndërsa nëMaqedoninë e Veriut, Bosnje dhe Hercegovinë dhe në Malin e Zi, vetëm një e pesta e të punësuarve janë të vetëpunësuar. Eurostat analizon se këto përqindje të larta krahasuese pasqyrojnë, deri në një farë mase, peshën relative të aktiviteteve bujqësore, me një shpërndarje në shkallë të vogël të fermave të vogla familjare ose kooperativave bujqësore./Opinion.al
