Bota

Trump dhe Pelos debat publik,vihet në dyshim gjendja mendore e presidentit


               Publikuar në : 10:59 - 24/05/19 |
el ida

Presidenti i SHBA-së, Donald Trump dhe kryetarja e Dhomës së Përfaqësuesve, Nancy Pelos, shkëmbyen fyerje duke vënë në dyshim stabilitetin mendor të njëri tjetrit.

Ishte Pelosi ajo që fillimisht akuzoi presidentin Trump si njeri me “shpërthime emocionale”, pasi ai mbylli pas disa minutash një takim me udhëheqësit demokratë në Shtëpinë e Bardhë, të cilët kishin shkuar për të diskutuar një projektligj infrastrukturor për të financuar ndërtimin e urave dhe autostradave.

Por, presidenti Trump sapo doli nga takimi tha se nuk do të diskutonte mbi një legjislacion të tillë derisa demokratët e kongresit të ndalonin hetimet ndaj tij.

Pas kësaj Pelosi kërkoi që “familja dhe ndihmësit” e presidentit Trump të ndikojnë te ai për “të mirën e vendit”, duke e akuzuar atë për “mospërmbajtje emocionale”, teksa shtoi se do të lutej për të. Ndërkaq Trump iu përgjigj duke e cilësuar si të çmendur dhe një lëmsh të vërtetë. Trump shtoi se e ka vëzhguar prej kohësh dhe Pelos “e kishte humbur”.

Përplasja vjen në kohën kur Trump po ballafaqohet me pengesa ligjore për të mbajtur të dhënat financiare të tij larg duarve të hetuesve të Kongresit./Opinion.al

 

 

 

Pas