Aktualitet

E regjistruar në emër të dy personave, sekuestrohet 679m2 truall në Sarandë



Bëhu pjesë e Grupit Zyrtar të Opinion.al
>> KËTU <<
               Publikuar në : 14:16 - 22/07/22 |
Opi Nion

Një sipërfaqe prej 679m2 tokë truall në zonën Turizëm-Kanal i Çukës është sekuestruar nga Prokuroria e Sarandës pasi rezulton të jetë regjistruar në kundërshtim me ligjin.

Pas hetimeve të thelluara ndaj ish-drejtuesve dhe zyrtarëve të AKSH Sarandë, janë konstatuar elementë të veprës penale të shpërdorimit të detyrës.

Në njoftimin e prokurorisë thuhet se trualli është i regjistruar në emër të dy personave, përkatësisht shtetasve K.Gj dhe M.N, të cilët kishin ngritur një biznes.

“Prokuroria pranë Gjykatës së Shkallës së Parë Sarandë ka sekuestruar në datë 22.7.2022 një sipërfaqe prej 679m2 tokë truall në zonën Turizëm-Kanal i Çukës.

Në kuadër të procedimit penal, me nr. 297 të vitit 2021, regjistruar ndaj zyrtarve të Agjensisë Shtetërore të Kadastrës Sarandë, hetimet kanë avancuar duke konstatuar elemente të veprës penale të shpërdorimit të detyrës.

Për këtë arsye, Prokuroria pranë Gjykatës së Shkallës së Parë Sarandë në mbyllje të hetimit ka proceduar më tej me sekuestrimin e pasurive tokë shtetërore të regjistruara ne shkelje të ligjit në favor të dy shtetasve”, njofton prokuroria.

Kujtojmë se sekuestrimi i sotëm vjen pas sekuestrimit te 9920 m2 truall në 2 qershor me urdhër të Prokurorit Llaho, të tjetërsuar me dokumente të falsifikuar dhe të regjistruar me pas në emër të 11 personave privatë.

 

 

 

Pas